Oral qalasynda jasandy intellekt tehnologiialaryna negızdelgen jaŋa formattaǧy sifrlyq keŋse aşyldy. Zamanaui ortalyq memlekettık qyzmetterdıŋ qoljetımdılıgın arttyruǧa, tūrǧyndardyŋ uaqytyn ünemdeuge jäne sifrlyq mümkındıkterdı keŋınen paidalanuǧa baǧyttalǧan. Saltanatty şaraǧa oblys äkımı Nariman Töreǧaliev, «Azamattarǧa arnalǧan ükımet» memlekettık korporasiiasy» KEAQ Basqarma töraǧasy Arman Kenjeǧaliev qatysty.
Memleket basşysy Qasym-Jomart Toqaev «Jaŋa tarihi kezeŋdegı Qazaqstannyŋ özektı mındetterı» atty Joldauynda sifrlyq ekonomikany qalyptastyru jäne ozyq tehnologiialardy halyq igılıgıne paidalanu mındetın aiqyndady. Prezident jariialaǧan Sifrlandyru jäne jasandy intellekt jyly aiasynda öŋırde būl baǧyttaǧy jūmystar jüielı jalǧasuda.
Jyl basynan berı oblysta 3 million 203 myŋǧa juyq memlekettık qyzmet körsetılıp, onyŋ 98 paiyzy elektrondy formatta jüzege asyryldy. Al «Azamattarǧa arnalǧan ükımet» memlekettık korporasiiasynyŋ oblystyq filialy ūsynǧan 629 myŋnan astam qyzmettıŋ 60 paiyzǧa juyǧy onlain körsetıldı.
Jaŋa keŋse üş negızgı funksionaldyq aimaqtan tūrady. Ekspress-aimaqta tūrǧyndar anyqtamalar men qarapaiym qyzmetterdı öz betınşe jedel ala alady. Sifrlyq aimaqta elektrondyq sifrlyq qoltaŋba räsımdeu, tuu, neke qiiu, tūrǧylyqty jerı boiynşa tırkelu jäne äleumettık tölemderge qatysty qyzmetter onlain ūsynylady. Saraptamalyq aimaqta mamandar käsıbi kömek körsetedı. Sondai-aq azamattardyŋ sifrlyq sauattylyǧyn arttyruǧa arnalǧan arnaiy oqu aimaǧy qarastyrylǧan.
– Sifrlandyrudyŋ basty ölşemı – tehnologiianyŋ kürdelılıgı emes, onyŋ adam ömırıne äkeletın naqty paidasy. Jasandy intellekt jas erekşelıgıne, tūrǧylyqty jerıne nemese sifrlyq daǧdylaryna qaramastan, är azamatqa zamanaui memlekettık qyzmetterdı erkın paidalanuǧa jol aşady, – dedı Nariman Töreǧaliev.
Öŋırde sifrlyq infraqūrylymdy jetıldıru jäne memlekettık basqaruǧa ozyq tehnologiialardy engızu jūmystary jalǧasady.
