Qarjylyq monitoring agenttıgı gidrotehnikalyq nysandardy saluǧa bölıngen 1 mlrd teŋgeden asa qarjynyŋ jymqyrylaǧanyn anyqtady, dep habarlaidy "Adyrna" tılşısı.
Endı soǧan sai tekseru bastalmaq.
Mūndai tapsyrmany agenttık basşysy Dmitrii Malahov berdı.
Sebebı su tasqynynyŋ saldaryn joiuǧa bölıngen qarajatty jymqyru faktısı tırkelgen. Ol aqşanyŋ qaida ketkenın sapaly tekseru men baǧalaudy qamtamasyz etu qajettıgın aityp öttı.
"Agenttıktıŋ aumaqtyq departamentterınıŋ basşylary memlekettık organdar men şaruaşylyq subektılerınıŋ qyzmetıne aralaspai, bögetter, su būru obektılerın salu, sondai-aq özen arnalaryn tereŋdetu üşın aqşany ūtymdy paidalanudy zerdeleuı qajet", - dep tapsyrdy D.Malahov.Memleket basşysynyŋ tapsyrmasy boiynşa su tasqyny saldaryna Ükımet, kvazimemlekettık kompaniialar, käsıpkerler, qoǧamdyq qorlar 140 mlrd teŋgeden astam qarjy böldı. Degenmen qarjylyq monitoring organdary Almaty qalasynda, Aqtöbe, Qyzylorda jäne Ūlytau oblystarynda jymqyru belgılerı boiynşa tört ıs qozǧaǧan. Saldarynan 5 adam küdıktı dep tanylyp, keltırılgen zalaldyŋ jalpy somasy 1 mlrd teŋgeden asqany anyqtaldy.
Ūqsas jaŋalyqtar
