بقو توتەنشە جاعدايلار دەپارتامەنتى ۇسىنعان اقپارات بويىنشا جايىق وزەنىن جاعالاي ورنالاسقان ورال قالاسى مەن ءبورلى، بايتەرەك، تەرەكتى، اقجايىق اۋداندارىندا 84 ەلدى مەكەن بار.
ءبورلى اۋدانىنداعى 9 ەلدى مەكەننىڭ ەكەۋىندە عانا سۋ باسۋ قاۋپى جوق. ال جارسۋات، ديميتروۆو، پريۋرالنىي، وبلاۆكا، بۋماكول، ءبورلى، قاناي، دانياكول سەكىلدى قالعان جەتى اۋىلدا جاعالاۋدى بەكىتۋ جۇمىستارى جۇرگىزىلۋدە.
بايتەرەك اۋدانىڭ 20 اۋىلى جايىق بويىندا ورنالاسقان بولسا سونىڭ التاۋىندا سۋ باسۋ قاۋپى جوق دەپ سانالعان. وزەندى جاعالاي ورنالاسقان 14 اۋىلدا تاسقىننىڭ الدىن الۋ جۇمىستارى قارقىندى جۇرگىزىلۋدە.
تەرەكتى اۋدانىندا 7 ەلدى مەكەن سۋ باسۋ قاۋپى بار ايماقتا ورنالاسقان بولسا، 12 اۋىلعا قاۋىپ ءتونىپ تۇرعان جوق. بۇل اۋداندا دا بارلىق ساقتىق شارالارى قولعا الىنۋدا.
اقجايىق اۋدانىنىڭ 31 ەلدى مەكەنى جايىق وزەنى بويىندا ورنالاسقان بولسا، سونىڭ 6 اۋىلىنا قاۋىپ جوق. قالعان ەلدى مەكەندەر سۋ تاسقىنىن قاۋىپسىز وتكىزۋ ءۇشىن بارلىق ساقتىق شارالارى جاسالۋدا.
وبلىس ورتالىعى مەن ءۇش شاعىن اۋداندارىندا دا سۋ باسۋ قاۋپى تونگەن. سۋ تاسۋ قاۋپى بار زاچاگانسك، كرۋگلوزەرنىي، جەلاەۆ اۋىلدارىندا وزەن جاعالاۋلارىن بەكىتۋ جۇمىستارى قارقىندا جۇرگىزىلۋدە.
جالپى كوكتەمگى سۋ تاسقىنىنىڭ الدىن الۋ ماقساتىندا وبلىس اۋماعىندا 56,1 شاقىرىم ۋاقىتشا ۆالدار سوعىلىپ، 60 مىڭعا جۋىق توپىراق تولتىرىلعان قاپتار سالىنعان.
