Atyraý oblysynda sý basý kezinde joǵalǵan er adamnyń denesi tabyldy, dep habarlaıdy "Adyrna" tilshisi.
Qulsary qalasynda qutqarýshylar sý tasqyny kezinde óz úıin tekserýge ketken ákeli-balalyny bir aptadan beri izdestirip jatqany habarlanǵan. Alaıda 1976 jyly týǵan er adamnyń denesi búgin sý astynan tabylǵan.
Jýrnalıst Dıas Nuraqyn Facebook jelisindegi paraqshasynda:
"Qulsaryda sýǵa ketken eki adamnyń biri tabyldy. Ákesi men balasy sý basqan úılerin kórip kelemiz dep iz-túzsiz joǵalǵan edi. Búgin ákesiniń denesi sý astynan tabyldy", - dep jazdy.
Eske sala keteıik, 6 sáýirden beri Qulsary qalasynda qutqarýshylar úılerdi sý basý kezinde joǵalǵan ákesi men 2000 jylǵy ulyn izdestirip jatqany týraly jazǵan edik. Olar Jylyoı aýdany Qulsary qalasy 4-yqsham aýdanyndaǵy Avtodorojnık kóshesinde ornalasqan úıdiń turǵyndary.
Qazir joǵalǵan balany izdeý jumystary jalǵasyp jatyr.
