Soltüstık Qazaqstan oblysynyŋ poliseilerı WhatsApp jelısındegı chattardy baqylap, su tasqynynan zardap şekkenderge kömek sūraǧan ärbır üşınşı ötınış jalǧan degen qorytyndyǧa keldı, dep habarlaidy “Adyrna” ūlttyq portaly.
Işkı ıster ministrlıgı qazaqstandyqtardy aqşa jıberudı sūraǧan internet-alaiaqtarǧa senbeuge şaqyrady.
«Petropavldy tasqyn su basqaly berı qala men oblystyŋ köptegen tūrǧyndarynyŋ basyn bırıktırgen türlı WhatsApp toptary qūryldy. Olarda tūrǧyndar su tasqyny jaǧdaiyn talqylap, öz täjıribelerımen bölısedı, zardap şekkenderge kömek ūiymdastyrady. Soltüstık Qazaqstan oblysy boiynşa kriminaldyq polisiia basqarmasynyŋ qyzmetkerlerı top äkımşılerımen tūraqty bailanysta», — dep habarlady QR IIM baspasöz qyzmetı.
Qazır poliseiler alaiaqtyq boluy mümkın aqparatty mūqiiat tekserıp jatyr.
«Köpşılık su tasqynynan zardap şekkender turaly, bank kartasynyŋ nömırı jäne kömek sūrauy bar jarnamalardy jiı kezdestırdı. Kiberqylmyspen küres basqarmasynyŋ qyzmetkerlerı mūndai jarnamalardy tekserude: olarda körsetılgen adamdar şynaiy ma, olar şynymen aqşa audaru ūsynylyp otyrǧan şottarǧa tiesılı me? Üş kün ışınde alty būqaralyq chatta 50-ge juyq jalǧan jarnama anyqtaldy – şamamen ärbır üşınşı kömek sūrauşy şyn mänınde alaiaq bolyp şyqty», – deidı Soltüstık Qazaqstan polisiia departamentınıŋ qyzmetkerı İvan Terzidi.
Alaiaqtardyŋ jarnamalary äldeqaşan joiylǧan, al olardyŋ avtorlarynyŋ nömırlerı chattarda būǧattalǧan.
«Polisiia adamdardan qarjylyq mäselelerge qatysty kez kelgen aqparattyŋ dūrystyǧyn tekserudı sūraidy. Soltüstık Qazaqstan oblysynyŋ tūrǧyndary kümändı jarnamalar men sıltemelerdı WhatsApp + 7 747 429 0203 nömırıne tekseru üşın jıbere alady», - dep qorytyndylady Işkı ıster ministrlıgı.
Ūqsas jaŋalyqtar
