Taraz tūrǧyny “Aqtös” qorynyŋ erıktılerıne it zorlanǧany turaly sūmdyq jaitpen bölıstı, dep habarlaidy “Adyrna” ūlttyq portaly.
«Bızdıŋ üidıŋ aulasynda jap-jaqsy it panalaityn. Tıptı, oaǧan yŋǧaily bolsyn dep garajdyŋ artyn kışkene üişık jasap berdık. Ekı apta būryn garaj jaqtan qatty dauysty estıdık. Barsaq qaŋǧysbas-zoofildıŋ ittı zorlap jatqanyn kördık. Bız ony quyp jıberuge qana tyrysqanymyzben, künıge keşke kelıp alady. Al taŋerteŋ itke qarauǧa qorqasyz. Bız uchaskelık polisiia qyzmetkerın şaqyrdyq, bıraq kelmeidı. Sonymen qatar, uchaskelık polisiia qyzmetkerı ittı atyp tastaimyn dep qorqytty», — degen jergılıktı tūrǧynnyŋ janaiqaiyn qoǧamdyq qor Instagram paraqşasynda jariialady.Qūqyq qorǧau organdary būl habarǧa bei-jai qaramai, bos qalǧan garaj, t.b tekserudı tapsyrdy.
«Atalǧan äkımşılık uchaskede polisiianyŋ kündızgı jäne tüngı nariadtary küşeitıldı. Januarlarǧa qatygezdık faktısı anyqtalǧan joq. Būl fakt boiynşa naqty dälelder men kuägerler joq», — dedı jergılıktı tärtıp saqşylary.«Aqtös» qorynyŋ erıktılerı polisiia būl ıs boiynşa jūmys ıstep jatqan joq dep sanaidy.
«İt zorlanǧan. Ony körgen adamdar bar. Bıraq jaman eşteŋe bolǧan joq. Üisız adam basqa it tauyp, ony da zorlaidy, sodan keiın balalarǧa köşedı. Eşteŋe etpeidı. Ömır jalǧasuda», - deidı qūzyrly organdardyŋ qimylsyz otyrǧandaryna küiıngen qor erıktılerı.
Ūqsas jaŋalyqtar
