Almaty qalasyndaǧy haiuanattar baǧynda jūmys ıstegen esepşı-kassir 32 million teŋgeden astam qarjyny iemdendı degen küdıkpen qamauǧa alyndy. Būl turaly Medeu audandyq prokuraturasy mälımdedı, dep habarlaidy "Adyrna" ūlttyq portaly.
Tergeu materialdaryna säikes, azamatşa N. 2015 jyldyŋ jeltoqsan aiynan bastap 2016 jyldyŋ qazan aiyna deiın körsetılgen qyzmetter üşın satylǧan biletter turaly mälımetterdı kompiuterden öşırıp, tüsken qarajatty qaltasyna basyp otyrǧan. Jymqyrylǧan soma 32 million 390 myŋ teŋgeden asqan.
"16 tamyzda Almaty qalasy Medeu audany №2 sotynyŋ sanksiiasymen "Almaty zoologiialyq baǧyna" tiesılı asa ırı kölemdegı qarjyny jymqyryp, iemdendı degen küdıkke ılıngen azamatşa N-ǧa qatysty qamauǧa alu būltartpau şarasy qoldanyldy", – delıngen prokuratura habarlamasynda.
Qazırgı uaqytta oǧan QR Qylmystyq kodeksınıŋ 189-baby 4-bölıgı 2-tarmaǧy – “Senıp tapsyrylǧan böten mülıktı asa ırı mölşerde iemdenu nemese ysyrap etu” jäne 241-baby – “Buhgalterlık esep pen qarjylyq eseptılık turaly zaŋnamasyn būzu” baptary boiynşa qylmystyq ıs qozǧalyp, tergeu amaldary jürgızılıp jatyr.
Ūqsas jaŋalyqtar
