Qazaqstanda ekınşı atom elektr stansiiasy (AES) salynatyn aimaq resmi türde anyqtaldy. Nysan Almaty oblysynyŋ Jambyl audanynda salynatyn boldy. Būl şeşım 5 jeltoqsanda «Ülken» auylynda ötken qoǧamdyq tyŋdauda jergılıktı tūrǧyndarǧa tanystyryldy, dep habarlaidy "Adyrna".
Jiynǧa kelgender ūsynysty qoldaǧan.
Atom energiiasy jönındegı agenttık mälımetınşe, ekınşı AES-tıŋ ornyn taŋdau üşın «Qazaqstan atom elektr stansiialary» kompaniiasymen bırlesken jan-jaqty taldau jürgızılgen.
Energetikalyq jüiedegı quat qajettılıgı, infraqūrylymnyŋ qoljetımdılıgı jäne qauıpsızdık talaptary siiaqty köptegen faktor eskerılgen. Osy zertteu nätijesı arnaiy komissiianyŋ otyrysynda qaralyp, Jambyl audanyn AES saluǧa qolaily aimaq retınde bekıtu ūsynyldy.
Tyŋdau barysynda mamandar jergılıktı halyqqa atom reaktorynyŋ qauıpsız jūmysyn qamtamasyz etetın şaralar keşenın tanystyrǧan. Sondai-aq stansiianyŋ öŋırge jäne jalpy elge äkeletın äleumettık-ekonomikalyq äserlerı tüsındırıldı.
Agenttıktıŋ resmi habarlamasynda tūrǧyndar jobany qoldap, onyŋ jaŋa jūmys oryndaryn aşuǧa, infraqūrylymdy damytuǧa jäne aimaqtaǧy energiia tapşylyǧyn azaituǧa mümkındık beretının atap ötkenı jazylǧan.
Aita ketsek, alǧaşqy AES te Ülken auyly maŋynda salynady. Ol «Balqaş» dep atalatyn boldy. AES qūrylysy 10-12 jylǧa sozyluy mümkın.
