Bügın el Prezidentınıŋ tapsyrmasyna säikes, Qyzylorda oblysynda «Taza Qazaqstan – taza aimaq» ekologiialyq aksiiasyna qaladaǧy barlyq mekeme ūjymdary, ükımettık emes ūiym ökılderı, volonterlar, qoǧam belsendılerı men jastar jäne tūrǧyndar belsendı qatysuda.
Tūrǧyndar öz aulalaryn, käsıpkerler men eŋbek ūjymdary aumaqtardy, merdıgerlık ūiymdar baǧdarşam obektılerın, aialdama pavilondaryn, jol belgılerı men qalanyŋ köşe-jol jelısınıŋ basqa da infraqūrylymyn tazalau, juu men jöndeu jūmystaryn jürgızedı.
Būǧan deiıngı oblys äkımınıŋ bastamasymen jariialanǧan ekı ailyq senbılıkte eskı aryq közderı arşylyp, negızgı kanaldar tazalandy. Būl jūmystarmen qatar, 8 000-ǧa juyq tal köşetterı otyrǧyzyldy.
Biyl 35 myŋ tüp saialy aǧaş egudı josparlanuda. Egılgen jas öskınderge arnaiy qūrylǧan «Jasyl-Qyzylorda» mekemesı kütım jasaidy. Basty maqsat – qalany taza ärı jasyl jelekke ainaldyru.
Sondai-aq, qala aumaǧynan 2 gektardy qūraityn jer arşylyp,
3 tūqym baǧy daiyndaluda. Qazırgı taŋda osy jerlerge su joldary jürgızılıp, 50 myŋ tüp qalamşa otyrǧyzyldy. Älı 15 myŋnan astam tal köşetterın egıledı. Qyzylorda-Astana baǧytynda salynyp jatqan basty joldyŋ qos qaptalyna da tal köşetterı otyrǧyzylyp, jasyl beldeu qalyptastyrylady.
Jalpy qalada 828 köşe bar. Onyŋ 164 köşesı jaryqtandyrylǧan. Osy jyly qosymşa 54 köşege jaryqtandyru jūmystary jürgızılude. Olardy kütıp-ūstau jerılıktı biudjet arqyly jüzege asyryluda.
Qala boiynşa 254 aialdama bar. Biylǧy jyly jaŋadan 10 aialdama ornatylady. Būl aialdamalarǧa jeŋımpaz merdıger mekeme kündelıktı juyp, tazalyq şaralaryn jürgızedı.
Oblys ortalyǧyndaǧy 52 skver-alleia erekşe kütımde. Būl oryndarǧa jeŋımpaz mekeme tarapynan tazalyq, ärleu-syrlau jūmystary jürgızılude.
Qala kölemınde aiaq su jüretın negızgı 12 kanal bar. Odan bölek, qalaışılık aryq jüielerı qalyptasqan. Būl kanaldar men aryqtardy arşu, tazalau jūmystaryna jaŋadan qūrylǧan «Jasyl Qyzylorda» mekemesı jauapty. Sonymen qatar, dariiaǧa ornatylǧan 8 nasos qondyrǧysy men
33 jer asty su ūŋǧymalary arqyly qalaǧa aiaq su berılude.
Ötken jyly oblys äkımınıŋ üilestıruımen, demeuşılerdıŋ qoldauymen köpqabatty 26 üidıŋ qasbetterı paneldı qaptamalarmen qaptaldy. Biyl oblystyq biudjetten bölıngen qarajatqa köpqabatty 32 üidıŋ qasbetterı qaptalyp, jaŋalanuda.
Būdan bölek, byltyr oblystyq biudjet arqyly jäne demeuşılerdıŋ esebınen köpqabatty 18 tūrǧyn üidıŋ aulasy abattandyryldy. Biylǧy jyly jalpy sany 48 köpqabatty tūrǧyn üidıŋ aulasy jaŋǧyrtylady.
Ūqsas jaŋalyqtar
