«Taza Qazaqstan» aiasynda Qaraǧandyda tuǧan ölkenıŋ tazalyǧyna üles qosyp jürgen azamattar marapattaldy

215
Adyrna.kz Telegram
https://adyrna.kz/storage/uploads/5QZzBYI5ut4QbrBXtsi0i0LkATuDs0X4LDQMpN9C.jpg

«Taza Qazaqstan – jarqyn bolaşaq» jastar ekologiialyq forumy Qaraǧandy oblysynyŋ qalalary men audandarynan kelgen studentterdı, kursanttardy, ekoerıktıler men belsendı tūrǧyndardy bır ortaǧa jinady. Dostyq üiıne qorşaǧan ortany qorǧaudy kündelıktı ömırınıŋ ajyramas bölıgıne ainaldyrǧan azamattar jinaldy.

Forum respublikalyq «Taza Qazaqstan» baǧdarlamasy aiasynda öttı.

Jiyn bastamany qoldauǧa arnalǧan jalauşalarmen ötken fleşmobtan bastalyp, ekologiialyq mädeniet, azamattyq jauapkerşılık jäne tuǧan ölkenı aialau mäselelerıne arnaldy.

Forumǧa qatysuşylarǧa Qaraǧandy oblysy äkımınıŋ orynbasary Älıbek Äldenei ün qatty. Ol öŋırdı abattandyruǧa üles qosyp jürgen tūrǧyndarǧa alǧys aityp, tazalyq bıreudıŋ eskertuı men baqylauynan emes, är adamnyŋ qorşaǧan ortaǧa degen jeke közqarasynan bastalatynyn atap öttı.

– Qazaq tılınde «ar» degen ūǧym bar. Ol – adamnyŋ ūiaty, namysy, ışkı töreşısı. Būl qasiet eşkım baqylap tūrmaǧan kezde de adamdy dūrys äreket etuge jeteleidı. Ainalamyzdaǧy tazalyq – är adamnyŋ ışkı düniesınıŋ syrtqy körınısı. «Taza Qazaqstan» bastamasynyŋ negızınde de osy qūndylyq jatyr, – dedı Älıbek Äldenei.

Onyŋ aituynşa, adam boiyndaǧy osyndai asyl qasietter tūrǧyndardy ortaq ıske jūmyldyryp, aulalardy retke keltıruge, kıreberısterdı abattandyruǧa jäne tuǧan ölkenıŋ tazalyǧyn saqtauǧa öz ülesın qosuǧa yntalandyrady.

Forumnyŋ negızgı şaralarynyŋ bırı ekologiialyq qozǧalys belsendılerın marapattau räsımı boldy. Jeŋımpazdar tört atalym boiynşa anyqtaldy. Olar – «Üzdık ekovolonter», «Üzdık ekokomanda», «Üzdık kıreberıs» jäne «Üzdık aula».

Jiyn qonaqtaryna jüldelı oryndarǧa ie bolǧan aulalar men kıreberıster turaly beinerolikter körsetıldı. Ekrannan tūrǧyndardyŋ öz küşımen ainalasyn körkeitıp, ortaq keŋıstıktı özgertuge baǧyttalǧan naqty bastamalary men eŋbegı körınıs tapty.

«Üzdık ekobelsendı» nominasiiasy boiynşa ekı jeŋımpaz anyqtaldy. Olardyŋ bırı – «Qazaqstan temır joly» kompaniiasy magistraldyq jelısınıŋ Qaraǧandy bölımşesınıŋ jetekşı injener-tehnologı Jūldyzai Baidüisen. Ol 18 ekologiialyq aksiianyŋ bastamaşysy bolǧan.

Sondai-aq bırınşı oryndy Temırtau qalasyndaǧy №16 jalpy bılım beretın mekteptıŋ himiia jäne biologiia pänderınıŋ mūǧalımı Vusal Mamedov ielendı. Ol 80 ekologiialyq ıs-şaranyŋ üilestıruşısı bolǧan.

«Üzdık ekokomanda» nominasiiasynda Qaraǧandy qalasyndaǧy «Bızben bırge bol» integrasiialyq ortalyǧynyŋ inkliuzivtı jasaǧy, Şahtinsk qalasynyŋ «Ekodesant» jäne Priozersk qalasynyŋ «Asar» komandalary jeŋımpaz atandy.

«Üzdık kıreberıs» nominasiiasy boiynşa Qaraǧandy qalasy Qūrylysşylar daŋǧyly, 13-üidıŋ 4-kıreberısınde tūratyn tūrǧyndar üzdık dep tanyldy.

Al «Üzdık aula» nominasiiasynda Şet audany Aǧadyr kentınıŋ №9 şaǧynaudanyndaǧy №19, 20, 21, 22 jäne 23 üilerdıŋ tūrǧyndary jeŋımpaz atandy.

Baiqau jeŋımpazdaryna diplomdar men aqşalai sertifikattar tabystaldy.

Forum ekologiialyq qozǧalys belsendılerın ūlyqtaumen ǧana şektelmei, qorşaǧan ortaǧa janaşyrlyq qarapaiym äreketterden bastalatynyn da körsettı. Taza aula, jinaqy kıreberıs, senbılıkke qatysu, jasyl jelekke kütım jasau – mūnyŋ bärı ortaq tazalyqqa qosylǧan üles.

Pıkırler