Bügın oblys äkımı Mūrat Ergeşbaevtyŋ töraǧalyǧymen aimaqtaǧy qoǧamdyq-saiasi ahual, qoǧamdyq qauıpsızdıktı qamtamasyz etu mäselelerı talqylanǧan mäjılıs öttı.
Oǧan qūqyq qorǧau organdarynyŋ bırınşı basşylary, oblys äkımınıŋ orynbasarlary, basqarma basşylary, bılım beru ūiymdarynyŋ direktorlary men ata-analar komitetterınıŋ töraǧalary qatysty.
Memleket basşysy bügıngı Joldauynda qoǧamdaǧy bırlık pen kelısımdı nyǧaityp, talap pen tärtıpke basymdyq berudıŋ maŋyzyn atap öttı.
«Jūmysty oidaǧydai oryndau üşın, eŋ aldymen, bükıl qoǧamymyz tatu boluy kerek. Bırlık pen kelısım bolmasa, eşqandai reforma jäne ılgerıleu bolmaityny aidan anyq.
Qazır jahandyq syn-qaterler äldeqaida qauıptı sipat alǧan kezde qoǧamymyzda talap pen tärtıpke basymdyq beruımız qajet», – dedı Prezident.
Mäjılıste qoǧamdyq tärtıptı, jol qauıpsızdıgın saqtau, balalar qauıpsızdıgı, jastar arasyndaǧy qūqyqbūzuşylyqtyŋ jäne otbasylyq-tūrmystyq zorlyq-zombylyqtyŋ aldyn alu mäselelerı qaraldy.
Aimaq basşysy oqiǧa bolǧan soŋ onyŋ saldarymen kürespei, aldyn alu tetıkterın küşeitudıŋ maŋyzyn atap öttı.
«Bızge eŋ bırınşı, adam ömırı qymbat, onyŋ ışınde balanyŋ ömırı myŋ ese baǧaly. Eŋ basty maqsat – tūrǧyndardyŋ qauıpsızdıgın qamtamasyz etu. Qoǧamdyq tärtıptı saqtau, jastar arasyndaǧy qūqyqbūzuşylyqtyŋ aldyn alu jäne tūrǧyndardyŋ qauıpsızdıgın qamtamasyz etu kündelıktı baqylauda boluy tiıs.
Soŋǧy tört jylda jergılıktı biudjetten polisiia organdarynyŋ materialdyq-tehnikalyq bazasyn jaŋǧyrtuǧa 65 mlrd teŋgege juyq qarajat bölındı. Būl – öŋır tūrǧyndarynyŋ tynyştyǧy men qauıpsızdıgı üşın körsetılıp otyrǧan qoldau.
Jyl basynan berı 1915 qylmystyq qūqyqbūzuşylyq tırkelgen. Ötken jylmen salystyrǧanda 8,8 % tömendegen. Degenmen statistikanyŋ jaqsaruy jūmysty bosaŋsytpauy tiıs. Äsırese balalardyŋ, jasöspırımderdıŋ qatysuymen bolatyn oqiǧalarǧa mülde beijai qarauǧa bolmaidy.Soŋǧy aptalardaǧy oqiǧalar osy baǧyttaǧy jūmysymyzdy qaita qaraudy talap etedı.
Ärqaisymyz jüktelgen mındetımızdı tolyq oryndap, jauapty organdar öz qūzyretı şegınde äreket etıp, ortaq maqsatqa jūmyluy tiıs. Ol üşın kündelıktı tärtıp, jauapkerşılık, özara üilesım men naqty nätije kerek.
Tūrǧyndar özınıŋ qauıpsızdıgıne senımdı bolyp, balalarynyŋ amandyǧyna alaŋdamauy qajet. Bızdıŋ maqsatymyz – esep üşın jūmys ısteu emes, halyqtyŋ tynyştyǧyn qamtamasyz etu. Osy mındettı bärımız bırdei tüsınıp, jauapkerşılıkpen atqaruǧa tiıspız», – dedı Mūrat Nälqojaūly.
Mäjılıste qaladaǧy jastar köp jinalatyn oryndarda, oiyn-sauyq nysandary men qūqyqbūzuşylyq qaupı joǧary aumaqtarda profilaktikalyq jūmystardy jandandyru, reidtık ıs-şaralardy jüielı jürgızu tapsyryldy.
Problemalyq aumaqtarda jaiau patruldeuge jäne uchaskelık inspektorlardyŋ tūrǧyndarmen bailanysynaqatysty naqty şaralar qabyldau kerek.
Balalar men jasöspırımderdıŋ qauıpsızdıgı üşın mektepterde jäne mektepten tys ortada bullingtıŋ, özge de qūqyqbūzuşylyqtyŋ aldyn aludy jandandyru da – jūmystyŋ maŋyzdy tarmaǧy.
Täuekel tobyndaǧy balalarmen jäne olardyŋ ata-analarymen jūmysty küşeitıp, polisiia, bılım beru ūiymdary, psihologtar men äleumettık qyzmetterdıŋ bırlesken ıs-qimylyn üilestıru qajet.
Otbasylyq-tūrmystyq zorlyq-zombylyqtyŋ aldyn alu, äleumettık qoldaudy qajet etetın otbasylardy anyqtau jäne balalardyŋ qauıpsızdıgın qamtamasyz etu boiynşa jauapty organdardyŋ jūmysyna taldau jürgızıledı.
Jiyn qorytyndysynda qala jäne audan äkımderıne qūqyq qorǧau organdarymen bırlesken profilaktikalyq jūmystardy jandandyryp, reidtık ıs-şaralardy tūraqty jürgızu mındetteldı.
