Almaty oblysynda «Taza Qazaqstan» baǧdarlamasy aiasynda qatty tūrmystyq qaldyqtardy qaita öŋdeu salasynda jalpy qūny 148,8 mlrd teŋgenı qūraityn 8 ırı investisiialyq jobany ıske asyru josparlanuda. Būl turaly Öŋırlık kommunikasiialar qyzmetı alaŋynda ötken baspasöz mäslihatynda Almaty oblysynyŋ tūrǧyn üi-kommunaldyq şaruaşylyq jäne abattandyru basqarmasynyŋ basşysy Dimaş Qojabekov mälımdedı, – dep habarlaidy Almaty oblysy äkımınıŋ baspasöz qyzmetı.
Öŋırde sanitarlyq tazalau jäne stihiialyq qoqys üiındılerın joiumen qatar, jeke investisiialardy tarta otyryp, qaldyqtardy qaita öŋdeudıŋ zamanaui tolyqqandy jüiesın qalyptastyruǧa basymdyq berılude. Josparlanǧan jobalar qatarynda elektr energiiasyn öndıretın qoqys jaǧu zauytynyŋ qūrylysy, taǧam qaldyqtaryn öŋdeu keşenın ıske qosu, qoqysty sūryptau keşenı men bioelektr stansiiasyn salu közdelgen. Sondai-aq būl jobalar jüzege asqanda 300-den astam jaŋa jūmys oryndary aşylady.
Sonymen qatar öŋırde qaitalama şikızatty qaita öŋdeumen ainalysatyn bırqatar käsıporyn jūmys ıstep tūr. Qazırgı taŋda Almaty oblysynda plastik, makulatura, şyny jäne tozǧan avtodöŋgelekterdı sūryptap, qaita öŋdeitın 6 ırı jäne bırneşe şaǧyn käsıporyn bar. Olar jyl saiyn 184 myŋ tonnadan astam qaldyqty sūryptap, qaita öŋdeidı.
Atap aitqanda, plastik qaldyqtaryn «P.T.Z.» kompaniiasy, makulaturany – «Kz.Recycling» käsıporny öŋdeidı. Şyny qaldyqtaryn jinau jäne qaita öŋdeumen «Almaty Steklo» men «Qazaq Glass Company» ainalysady. Al tozǧan avtodöŋgelekterdı «Eko Tehnologiia» jäne «Urban Core Beverly Hill Group» kompaniialary qaita öŋdeidı.
Būdan bölek, öŋırde jaŋa investisiialyq jobalar jüzege asyryluda. «Urban Core Beverly Hill Group» kompaniiasy türlı qaldyqtardy qaita öŋdeu öndırısın keŋeitudı josparlap otyr. Jobanyŋ qūny – 48 mlrd teŋge. Jaŋǧyrtu jūmystarynan keiın käsıporyn jylyna 40 myŋ tonnaǧa deiın qaldyq öŋdei alady.
Eŋbekşıqazaq audanynda « Guandun Suchun» kompaniiasy qūny 3 mlrd teŋge bolatyn qoqys öŋdeu zauytyn salyp jatyr. Sondai-aq Qarasai audanynda «Kaz Waste Conversion» kompaniiasy qūny 15,5 mlrd teŋge bolatyn qaldyqtardy sūryptau jäne qaita öŋdeu keşenınıŋ qūrylysyn jürgızude.
«Taza Qazaqstan» baǧdarlamasy aiasyndaǧy kögaldandyru jäne ekologiialyq infraqūrylymdy damytuǧa da erekşe köŋıl bölınude. Jyl basynan berı oblysta 103 myŋnan astam aǧaş otyrǧyzyldy. Bügınde öŋırde jalpy aumaǧy 69 myŋ gektardan asatyn 20-dan astam ekopark jūmys ısteidı. Sonymen qatar ekologiialyq jäne turistık aimaqtardy qūru boiynşa jaŋa jobalar ıske asyryluda.
«Taza Qazaqstan» baǧdarlamasy aiasynda Almaty oblysynda 2024–2029 jyldarǧa arnalǧan öŋırlık ıs-şaralar jospary jüzege asyryluda. Jūmys sanitarlyq tazalau, stihiialyq qoqys oryndaryn joiu, qaldyqtardy qaita öŋdeu jüiesın damytu jäne kögaldandyru siiaqty bırneşe baǧyt boiynşa jürgızılude. Ekologiialyq qūqyqbūzuşylyqtardyŋ aldyn alu maqsatynda oblys aumaǧynda 9 myŋnan astam beinebaqylau kamerasy ornatyldy. Al 2026 jyly aumaqtardy sanitarlyq tazalauǧa jergılıktı biudjetten 1,5 mlrd teŋge bölındı. Sonymen qatar öŋırde qatty tūrmystyq qaldyqtardy qaita öŋdeu salasyndaǧy jaŋa investisiialyq jobalar ıske asyryluda», – dedı Almaty oblysynyŋ tūrǧyn üi-kommunaldyq şaruaşylyq jäne abattandyru basqarmasynyŋ basşysy Dimaş Qojabekov.
