Almatyda «Taza Qazaqstan» respublikalyq baǧdarlamasy aiasynda GREEN UP ekologiialyq jobasy bastaldy. Bastamanyŋ tanystyrylymy 31 tamyzda qaladaǧy №224 mektepte öttı. Joba ECO Network qatysuymen, qalanyŋ Ekologiia jäne qorşaǧan orta basqarmasy men Eco Almaty qoldauymen jüzege asyrylyp otyr.
GREEN UP jobasy oquşylar men olardyŋ otbasylarynda qaldyqty bölek jinau, jauapty tūtynu jäne tabiǧi resurstarǧa ūqypty qarau sekıldı ekologiialyq ädetterdı qalyptastyruǧa baǧyttalǧan.
Alǧaşqy pilottyq joba Bostandyq audanynda qolǧa alynǧan. Green APP Almaty baǧdarlamasy aiasynda audandaǧy balabaqşalar, mektepter men kolledjderdı bırıktıru josparlanǧan. Markov köşesı, 44 mekenjaiyndaǧy jäne Satbayev University-degı Eko-habtar, sondai-aq econetwork.me sifrlyq platformasy bastamanyŋ negızıne ainaldy.
Qatysuşylar qaitalama şikızatty üide jinap, Eko-habtarǧa tapsyra alady. Nätije mobildı qosymşada tırkelıp, bılım beru ūiymdarynyŋ jalpy reitingınde eskerıledı. Sondai-aq, ekologiialyq aksiialar men erıktılık ıs-şaralarǧa qatysqany üşın ūpai jinauǧa bolady.
№224 mekteptıŋ direktory Raiza Ahmetova ekologiialyq ädetterdı erte jastan qalyptastyrudyŋ maŋyzyn atap öttı.
«Bızdıŋ maqsatymyz – oquşylardyŋ ekologiialyq mädenietın qalyptastyryp, qorşaǧan ortaǧa jauapkerşılıkpen qaraudy kündelıktı ädetke ainaldyru. Balanyŋ tabiǧatty qorǧau qajettıgın bılıp qana qoimai, özınıŋ ıs-äreketı arqyly ony saqtauǧa naqty üles qosa alatynyn tüsınuı maŋyzdy», – dedı Raiza Ahmetova.
Tanystyrylym barysynda oquşylarǧa qaldyqty qalai dūrys sūryptau kerektıgı jäne qandai materialdardyŋ qaita öŋdeuge qabyldanatyny körsetıldı. Oquşylar makulatura men plastik qaldyqtaryn da äkelıp, qaita öŋdeuge tapsyrdy.
Joba avtory Evgenii Mūhamedjanov ekologiialyq ädet täjıribe jäne bükıl otbasynyŋ atsalysuy arqyly tiımdı qalyptasatynyn jetkızdı.
«Ekologiialyq mädeniet adamnyŋ kündelıktı qarapaiym äreketınen bastalady. Eger bala üide qaldyqty sūryptap, olardy qaita öŋdeuge tapsyrsa, uaqyt öte kele būl ıske bükıl otbasy qosylady. Bızdıŋ mındetımız – ekologiialyq jauapty ärekettı tüsınıktı, qoljetımdı ärı qyzyqty etu», – dedı Evgenii Mūhamedjanov.
Aldaǧy uaqytta qatysuşylar ekologiialyq klubtar qūryp, bastamalaryn ūsynyp, qala tabiǧatyn qorǧau aksiialaryna qatysa alady. Sondai-aq, mektep oquşylaryna, kolledj studentterıne, ata-analar men bılım beru ūiymdarynyŋ qyzmetkerlerıne arnalǧan erıktılık baǧdarlama qarastyrylǧan.
Jobada yntalandyru tetıgı de qarastyrylǧan. Belsendı qatysuşylar men bılım beru ūiymdary jäne qaitalama şikızattyŋ belgılı bır türlerın jinaǧany üşın marapattalady. Bolaşaqta būl ülgını Almatynyŋ basqa audandaryna da engızu josparlanyp otyr. 
GREEN UP ekologiialyq aǧartudy, sifrlyq qūraldar men naqty ıs-äreketterdı ūştastyra otyryp, qaldyqtarǧa jauapkerşılıkpen qaraudy kündelıktı ömırdıŋ bır bölıgıne ainaldyrudy közdeidı.
