12–13 qyrküiek künderı Astana qalasynda «Creative Aimaq» respublikalyq jobasy aiasynda «Tamyrdan tuyndyǧa…» atty körme-järmeŋke ötıp jatyr.
Şaraǧa QR Mädeniet jäne aqparat vise-ministrlerı Evgenii Kochetov, Aibek Sydyqov, Kreativtı industriialardy damytu qorynyŋ basqarma töraǧasy Erlan Qanalimov, oblys äkımınıŋ orynbasary Meirambek Şermaǧanbet jäne ziialy qauym men BAQ ökılderı, elordalyq tūrǧyndar qatysty.
Joba Syr öŋırınıŋ bai tarihi-mädeni mūrasyn zamanaui şyǧarmaşylyqpen sabaqtastyryp, ūlttyq qūndylyqtardy jaŋa formatta tanytuǧa jäne tyŋ ideialardy jüzege asyruǧa arnalǧan.
Is-şaraǧa 100-ge juyq kreator qatysyp, 21 ekonomikalyq qyzmet baǧyty boiynşa avtorlyq tuyndylary men şyǧarmaşylyq önımderın köpşılık nazaryna ūsynuda.
Keluşıler Syr boiynyŋ basty brendterınıŋ bırıne ainalǧan aq kürışten salynǧan beineleu önerı tuyndylarymen tanysa alady. Şyǧarmalar kürıştıŋ öŋır tarihy men tūrmysyndaǧy maŋyzyn, Syr elınıŋ tabiǧaty men mädeni erekşelıgın tanytady.
Sonymen qatar körmege dästürlı qolöner mädenietın därıpteitın süiek, aǧaş jäne kiızden jasalǧan ūlttyq būiymdar qoiylǧan. Är būiymda Syr boiyna tän ūlttyq naqyş, dästürlı örnek jäne tabiǧi materialdardy öŋdeudıŋ özındık şeberlıgı körınıs tapqan.
Kreativtı alaŋda Qyzylorda Hub mamandary öz jobalaryn, «Qyzylorda» telearnasy «Syr Travel», «Qyzylorda Expedition», «Qūdaiy qonaq» sekıldı kreativtı jobalaryn tanystyrady.
Sonymen qatar ekı kün boiy Qazaq Creative Hub alaŋynda Syr öŋırınıŋ önerpazdary jasandy intellekt tehnologiialaryn şyǧarmaşylyqpen ūştastyrǧan konserttık baǧdarlamasyn köpşılık nazaryna ūsynady.
Aita keteiık, aimaqta kreativtı industriiany damytu baǧytynda belsendı jūmys ıstep kele jatqan 146 kreatordyŋ 120-sy, iaǧni 82,2 paiyzy respublikalyq kreatorlar reestrıne engızılgen. Būl körsetkış Qyzylorda oblysyn respublika öŋırlerı arasynda alǧaşqy üştıkke ornyqtyrdy.
