Elimizde kóktem kelgeli qar erip, sý tasqyny bastaldy. Erigen qar sýy men jańbyr sýy birneshe oblys turǵyn ábden ábirgerge túsirgen, dep habarlaıdy "Adyrna" tilshisi.
Búgin arnaıy komıssııa sý basqan barlyq úıge keltirilgen zalaldy baǵalaý jumystaryna kirisken. Sý tasqynynan zardap shekkenderge jergilikti oblys bıýdjetiniń rezervinen jáne bıýdjetten tys qarajat esebinen kómek kórsetiletin bolady.
Odan bólek qınalǵandarǵa qol ushyn sozǵandar kóp. Halyq jappaı qarajat aýdarsa, endigi biri azyq-túlik, kórpe-tósek jiberip jatyr.
Qoja Ahmet Iasaýı atyndaǵy ýnıversıtettiń Arheologııa ǵylymı-zertteý ınstıtýtynyń jetekshi ǵylymı qyzmetkeri Muhtar Qoja da birlestikpen birge qarjylaı kómek kórsetip jatqanyn jazǵan.
"Qoja Ahmet Iasaýı atyndaǵy ýnıversıtettiń Arheologııa ǵylymı-zertteý ınstıtýtynyń qyzmetkerleri sýdan zardap shekken halyqqa bir kúndik jalaqysyn aýdaratyn boldy. Kóp túkirse kól degen. Olıhartar da aıanyp qalmas dep oılaımyn", - dep jazdy ol.
