Qyzylordada eki bala sýǵa batyp ketti, dep habarlaıdy "Adyrna" ulttyq portaly.
Tótenshe jaǵdaılar mınıstrliginiń málimetinshe, ózenge aqqan balalar jabdyqtalmaǵan jerde sýǵa túsý kezinde sýǵa batyp ketkeni habarlandy.
Jergilikti 112 qutqarý qyzmetine 1 maýsym kúni 18:27-de shuǵyl habarlama kelip túsken. Qyzylorda qalasy mańyndaǵy "Iagodka" saıajaıynda darııaǵa sýǵa túsip júrgen 2008 jáne 2009 jylǵy eki jasóspirim sýǵa ketti.
"Oqıǵa ornyna jedel qutqarý jasaǵynyń qutqarýshylary jedel jetip, sý asty izdestirý jumystaryna kiristi. Nátıjesinde aldymen 2009, odan keıin 2008 jylǵy jasóspirimniń máıiti syrtqa shyǵarylyp, ata-analaryna tabystaldy. Olardyń 2-ýi de Qyzylorda qalasy N.Ilııasov atyndaǵy № 9 mektep-gımnazııasynyń 9-synyp oqýshylary ekeni anyqtaldy", — dedi Qyzylorda oblysy TJD.
