Sýda qalǵan aýyldaryn..,
Kórip eldiń aýyr halin.
Kóńil aıttym jyrymmenen,
Myrzashóldik baýyrlarym!
Qulaǵandaı shyraǵy da,
Tartylǵandaı bulaǵy da.
Amal bar ma adamzatta,
Jaratqannyń synaǵyna.
Árbir kúnniń tańyn baqqan,
Qara jerdiń babyn tapqan.
Iyǵyna ketpen salǵan
Dıhan edi – álimsaqtan.
Gúl-gúl jaınap jota, beli,
Jaıqalyp-aq jatar edi.
Aq bulttardan aýmaı qalǵan,
Aq maqtanyń – Otany edi.
Qapelimde «taǵdyr áni»,
Bir álekke saldy daǵy.
Synaqtaǵy suraq bolyp,
Sý astynda qaldy bári.
Qaýsyrǵandaı qabyrǵamnan,
Qorqynyshtyń taby qalǵan.
Jaratqanǵa táýbe deıik,
Eń bastysy – halyq aman!
Atar áli kúmis tańdar,
Sabyrmenen tynystańdar.
«Biz birgemiz!» ózderińmen,
Myrzashóldik týysqandar!
Foto: Azattyq
