Ūlystyŋ ūly künı – Äz Nauryz meiramy qarsaŋynda Qazaqstannyŋ Slovakiiadaǧy elşılıgınde tegın qazaq tılı kurstary men qazaq ädebietı kıtaphanasy aşyldy. Būl turaly Syrtqy ıster ministrlıgınıŋ baspasöz qyzmetı aitty, dep habarlaidy «Adyrna» tılşısı.
«Sabaqtardy aptasyna ekı ret bılıktı mamandar – qazaq tılı mūǧalımı Jazira Baijūmanova men filolog Sūltan Qamaliden jürgızedı. Qazaq tılın üirengısı keletınderdıŋ barlyǧyna yŋǧaily bolu üşın kurstar ekı topqa bölınedı – slovak jäne orys tılderınde oqytatyn toptar. Sabaqqa jeke qatysa almaityndar üşın sabaqtardyŋ onlain transliasiiasy ūiymdastyrylady. Qazaqstanda şyqqan qazaq tılı oqulyqtaryn elşılık qamtamasyz etedı»,—delıngen habarlamada.
Al Qazaqstannyŋ tarihy men mädenietımen tanysqysy keletınder üşın Qazaqstannyŋ Slovakiiadaǧy elşılıgı janynan qazaq ädebietınıŋ kıtaphanasy aşyldy. Kıtaphana qorynda hakım Abai, Maǧjan Jūmabai, Mūhtar Äuezov, Iliias Esenberlin, Äbdıjämıl Nūrpeiısov jäne basqa da qalamger klassikterdıŋ qazaq, slovak, cheh, orys jäne aǧylşyn tılderındegı kıtaptarynyŋ mol jinaǧy bar. Kıtaphana demalys künderın qospaǧanda, kün saiyn saǧat 9:00-den 15:00-ge deiın aşyq.
