Naýryz - jańarý men jańǵyrýdyń meıramy bolsa, mereke qarsańynda jańǵyrǵan kitaphanalardyń legin usynamyz. Shymkent qalasynyń ákimi Murat Áıtenov óziniń halyqqa esebinde kitaphanalardy koneptýaldyq ózgeris kútip turǵanyn aıtqan bolatyn.
Mereke qarsańynda Badam ózeniniń arǵy jaǵyndaǵy (halyq “Zabadam” dep atap ketken) turǵyn alapta ornalasqan shaǵyn kitaphana jańǵyrtyldy.
Sonymen birge, Balalar kitaphanasyna da jańǵyrý jumystary júrip jatyr. Qala ákimi keshe baryp tanysty. Bul kitaphananyń “fıshkasy” úı qabyrǵasyna salynǵan kitap-mýraldar kishkentaı oqyrmandaryn alystan menmundalap shaqyryp turady. Bul - Qazaqstandaǵy qabyrǵaǵa salynǵan eń úlken kitap-mýraldar.
Qyzǵaldaq-qalamyzda 5 kitaphana men olardyń 35 fılıaly bar. Bıyl solardyń onshaqtysyn jańǵyrtý josparda bar.
Áleýmettanýshy Reı Oldenbýrgtiń “úshinshi oryndar” atty teorııasyn bilesiz be?Bul teorııaǵa sáıkes, adam ómirinde mańyzdy eki basty oryn bar: úı men jumys orny. Reıdiń paıymynsha, adamdarǵa úı men jumystan tys, mazmundy ýaqyt ótkizetin úshinshi oryn kerek.
Úshinshi oryn qandaı bolýy múmkin? Qazir meıramhana, bar, syrahana, basqa ne bar edi, osylar úshinshi oryndarǵa aınaldy.
Bizdiń maqsatymyz kitaphanalardy úshinshi oryndarǵa aınaldyrý. Jumys isteý ýaqyty uzartylyp jatyr. Memleketten qarjy bólinbeıtin kafe-mafelerdiń esigi tún aýǵansha jáne demalys kúnderi ashyq turady, al memleket qarjylandyryp otyrǵan kitaphanalar nege keshki saǵat altyǵa deıin jumys istep, senbi-jeksenbide demalýǵa tıis.
Eger mazmundy ýaqyt ótkizetin kitaphanalardy úshinshi oryndarǵa aınaldyramyz desek, olar usynatyn qundylyq qazir jastar tolyp otyratyn kafeınıalardan kóbirek bolýǵa tıis.
Sonymen birge, qala ákiminiń bastamasymen qyzǵaldaq-qalada bıyldan bastap júz shaqty sport alańdary salynǵaly jatyr.
Mine, sport keshenderi, konert zaldary, kitaphanalardy úshinshi oryndarǵa aınaldyra alsaq qana ult sanasy jańǵyrady, rýhanı jańǵyramyz. Ol úshin, árıne, mádenıet oryndarynyń máni de, sáni de jańǵyrýy tıis.
Qudaıǵa shúkir, qyzǵaldaq-qalada mádenıet salasynyń ınfraqurylymy qalyptasqan. Aǵa-apa býynǵa myń alǵys!
Qanshama teatr, mádenıet úıleri men kitaphanalar bar. Endi barymyzdy baǵalap, baǵasyn arttyra túsý bizdiń býynnyń mindeti.
Naýryz - jańarý men jańǵyrýdyń meıramy. Mereke qutty bolsyn!
Shyńǵys MUQAN,
Shymkent qalasy ákiminiń birinshi orynbasary
