Jurnalist Qymbat Dosjan äleumettık jelıde anasyn ızdegen Jänıbek turaly jazba jariialady, dep habarlaidy "Adyrna" tılşısı.
Instagram jelısınde Qymbat Dosjan Jänıbektıŋ anasyn ızdeu barysynda taǧy bır qylmystyŋ betı aşylǧanyn jazǧan.
"Bız Jänıbektıŋ anasyn ızdep jürıp, 2004 jyly qylmystyq qūramnyŋ da bolǧanyn oilamaǧan jerden anyqtadyq. Negızı qylmysker emes, tuǧan anasyn ızdep jür edık qoi. Jänıbektıŋ qūjatynda tuǧan anasy dep jazylǧan äiel 2023 jyldyŋ jeltoqsanynda tabylǧan, bıraq bala basqa siiaqty (auysyp ketken), öitkenı bırneşe DNQ analiz terıs şyqty", – dep jazdy Qymbat Dosjan öz paraqşasynda.Jurnalistıŋ paiymdauynşa, belgiialyq Jani Savelevtıŋ, iaǧni qazaq balasy Jänıbek Jūmaǧūlovtyŋ tuǧan anasyn ızdeu barysynda balalardy saudalau boiynşa qylmystyŋ bary anyqtalǧan. Qazır qylmystyq kodekstıŋ 135-baby "Kämeletke tolmaǧandar saudasy" boiynşa qylmystyq ıs aşylǧan. Sol boiynşa Arqalyq qalasyndaǧy polisiia basqarmasynyŋ tergeuşılerı jūmys ısteude. Odan bölek jurnalist şekara asqan qazaq balasyn asyrap alǧan belgiialyq äielmen de tıldesken.
"Söz arasynda «Bala asyrap alǧanda zaŋ būzylǧan joq pa?» degen de sūraq qoiyldy. Ol kısı «Belgiia tarapynan zaŋ būzylǧan joq» dedı de, Qazaqstanǧa qatysty bır adamnyŋ aty-jönın atap, bala asyrap alu üşın sol kısıge bälenbai myŋ euro bergenın, öz elınde otyryp Jänıbektıŋ fotosy men mälımetın alǧanyn, sodan keiın ǧana jolǧa şyqqanyn mälımdedı. Būl dialog resmi türde zaŋdastyrylyp, zaŋ organdaryna tapsyryldy. Jalpy Jänıbekke, tastandy balalar taǧdyryna qatysy boluy mümkın degen adamdardyŋ bärı qazır bar, közı tırı, bıluımızşe, tek 1 maman ömırden ötken. Tıptı medisina salasynda 40 jylǧa juyq eŋbek etıp kele jatqan mamandardyŋ da Jänıbekke qatysty resmi qūjattarda aty atalǧan, lauazymy jazylǧan, qoly qoiylǧan", – delıngen jazbada.Köptegen äiel sol jyldary jeke basyn kuälandyratyn qūjatsyz bosanyp, qolhat jazyp ketıp qalǧan eken.
"Keibırı qūjatyn körsetpei, aty-jönın ötırık aitqan. Bır äiel özı bosanyp, balany ekınşı bır äieldıŋ atyna jazdyryp, perzenthanada qaldyrǧanyn bıldık. Arqalyqtyŋ perzenthanasyn türtıp qalsaŋ, bır oqiǧa sau ete qalady. Osynyŋ bärıne jol bergen, öz ısıne salǧyrt qaraǧan qyzmetkerler zaŋ aldynda jauap beruı kerek dep sanaimyz", – deidı Qymbat Dosjan.
Ūqsas jaŋalyqtar
