Jurnalist Gülmira Äbıqai äleumettık jelıdegı paraqşasynda Şymkent qalasynda tūratyn kömekke mūqtaj köpbalaly otbasy turaly jazba jariialap, qoǧamnyŋ nazaryn audardy, dep habarlaidy "Adyrna" ūlttyq portaly.
Gülmira Äbıqaidyŋ aituynşa, būl otbasy turaly äleumettık jelı arqyly habarlama alǧan. Habarlamany oqyǧan soŋ, otbasynyŋ jaǧdaiymen tanysu üşın özı baryp qaitqan. Körgen körınıs jüregın auyrtqanyn jetkızdı.
«Gülmira apai, būlar da 7 bala. Ata-anasy bar bolǧanymen, joqqa teŋ. Kömekteseiıkşı» degen sms keldı. Bardym… jüregım auyrdy. Kördım… endı esten ketpei jatyr", – dep jazdy jurnalist.
Jurnalist baiandaǧandai, otbasynyŋ 7 balasy bar, ülkenı 10 jasta, kenjesı – 2-de. Balalardyŋ ata-anasy – jarymjan. Äkesı Mansūr belınen jüre almaidy, bır qūlaǧy estımeidı. Anasy Zülfiianyŋ da bır qūlaǧy tuabıttı joq, qalqanşa bezınıŋ auruy asqynyp, densaulyǧy kürt naşarlaǧan. Otbasy memleketten atauly äleumettık kömek (AÄK) almaidy, äkesıne mügedektık berılmegen.
"Mansūr 500 myŋ teŋgege nesie alyp, jer satyp alǧan. Vremianka salyp, üiın keŋeitıp jatqanda biıkten qūlap, belın syndyrǧan. Ota jasatpasa bolmaidy, bıraq oǧan şamamen 2 million teŋge qajet. Al olarda tıptı jeke qūjatty jöndeuge de qarajat joq", – dedı jurnalist.
Gülmira Äbıqai būl otbasyǧa qatysty eşqandai syn aitpai, tek şyn jany aşyǧan jandardy kömek qolyn sozuǧa şaqyrdy. Ol äsırese, köpbalaly jäne densaulyǧy naşar jandardyŋ memleket tarapynan eskerusız qalyp jatqanyna alaŋdauşylyq bıldırdı.
"Eŋ qūrmasa bastaǧan üiın aiaqtasyn. Balalardyŋ näsıbıne bälkım baspana būiyrar", – deidı jurnalist.
Ūqsas jaŋalyqtar
