Mäjılıs deputaty, zaŋger Baqytjan Bazarbek “Mass-media” turaly zaŋ jobasyn synǧa aldy, dep habarlaidy “Adyrna” ūlttyq portaly.
Onyŋ aituynşa, komissiia qūramynda BAQ ökılderı bolsa, komissiiaǧa senuge bolar edı.
Men keşe myna zaŋ jobasyn qatty synǧa aldym, sebebı köp şikılık bar. Ministrlıktıŋ ökılı söz arasynda “demokratiia”, “söz bostandyǧy” dep äşekeileuge tyrysady. Is jüzınde zaŋ jobasy būǧan säikes emes. Bırınşıden, baspasöz kartasyn beretın komissiia müşelerı – şeneunıkter. Kımge beredı, kımge bermeidı, özderı şeşedı. Eger komissiia qūramynyŋ jartysy BAQ ökılderı bolsa, komissiiaǧa senetın edım. Al komissiia Aqparat ministrlıgı, basqa da ministrlıktıŋ şeneunıkterınen tūrady. Oǧan qalai senuge bolady? Jurnalistıŋ bilıktı synauǧa qūqyǧy bar. Mysaly, Abai oblysyndaǧy örtte qyzmet jasamaǧan şeneunıktı jurnalist qalai synamaidy? Synaidy. Bıraq erteŋ ol baspasöz kartasyn ala ala ma?”– dedı deputat.Odan bölek, ol zaŋ jobasyndaǧy jurnalistıŋ arnaiy bılımı boluy kerek degen jerımen kelıspeitının jetkızdı.
30-bapta baspasöz kartasyn berudı komissiia şeşedı deidı. Sondai-aq jurnalistık salada arnaiy bılımı, diplomy boluy kerek. Keşırıŋızder, qoǧamdaǧy bıraz özektı mäselenı köterıp jatqandardyŋ köbı jurnalist emes. Sonda olar būl zaŋ jobasy boiynşa press-karta ala almaidy. Bır ǧana mysal, Täŋırbergen Berdoŋǧarov jurnalist emes qoi, – dedı Mäjılısmen.Deputat zaŋ jobasy qabyldanatyn bolsa, jurnalistıŋ qūqyǧyn uäkılettı organdardyŋ aiqyndaitynyna da narazy.
Sottylyǧy bolmauy kerek deidı. Mūndai qataŋ talaptar tıptı Keŋes Odaǧy kezınde de bolmaǧan siiaqty. Aitalyq, adam abaisyzda bıreudı soǧyp ketse, ol şartty türde sottalady. Sonda būl adamdy jurnalistikamen ainalysu mümkındıgınen aiyra ma? Baspasöz kartasyn alǧan jurnalist uäkılettı organ aiqyndaǧan qūqyqtarǧa ie bolady. Jurnalistıŋ qūqyǧyn uäkılettık organ aiqyndai ma ne? Jurnalistıŋ qūqyǧy zaŋmen aiqyndalady, – dedı deputat.Deputat būl zaŋ jobasyn qoldamaitynyn aityp, ärıptesterın de soǧan şaqyrdy. Aituynşa, būl jurnalisterdıŋ qūqyǧyna qysym jasaidy.
Men keşe talap qoiu merzımın synaǧan bolatynmyn. Tıptı Reseide – 1 jyl, Moldovada – 30 kün. Al bızde – 3 jyl. Sot advokaty retınde aitarym, jurnalistı sotqa beru üşın, lingvistikalyq. fonografiialyq ekspertiza boluy kerek. Jurnalist 3 jyl boiy barlyq arhivtı özınde ūstauy kerek. Ol künıne 7-8 material jazady. Endı 3 jyldy elestetıŋızşı. Ol keibır materialdardy öşıredı. Al eger ol öşırse, 3 jyldan keiın ony sotqa beredı. Al ol qorǧana almaidy. Sızderdı talap qoiu merzımın 1 jylǧa deiın qysqartudan ne ūstap tūr? Nege 3 jyl? 21,22-baptardy oqyp körıŋız. Sız jurnaliske mındet jükteisız, qūqyǧyna nūqsan keltıresız, şekteisız. Qysym jasaisyz. Sondyqtan da būl zaŋ jobasyn qoldauǧa bolmaidy dep esepteimın. Būl – menıŋ jeke ūstanymym. Ärıptesterımdı de būl zaŋ jobasyn qoldamauǧa şaqyramyn, – dep sözın aiaqtady Baqytjan Bazarbek.
Ūqsas jaŋalyqtar
