Memleket basşysy Qasym-Jomart Toqaev Qazaqstanǧa resmi saparmen kelgen Gonkong arnaiy äkımşılık audany äkımşılıgınıŋ basşysy Djon Limen kezdesu ötkızdı, dep habarlaidy "Adyrna" ūlttyq portaly.
Būl turaly Aqordanyŋ baspasöz qyzmetı habarlady.
Kezdesu 1 mausymda ötken. Jiyn barysynda Prezident meimanǧa ıltipat bıldırıp, Djon Lidıŋ Qazaqstanǧa alǧaşqy saparynyŋ maŋyzdylyǧyna toqtaldy. Memleket basşysynyŋ aituynşa, būl sapar Qazaqstan men Gonkong arasyndaǧy yntymaqtastyqty jaŋa deŋgeige köterıp, Qazaqstan men Qytai arasyndaǧy jan-jaqty strategiialyq serıktestıktı odan ärı nyǧaituǧa yqpal etedı.
Qasym-Jomart Toqaev Gonkongtyŋ halyqaralyq qarjy jäne ıskerlık ortalyq retındegı rölın atap ötıp, investisiia, innovasiia, tehnologiia jäne halyqaralyq sauda salalaryndaǧy äleuetıne joǧary baǧa berdı. Sondai-aq Prezident investisiia, qarjy, sifrlandyru, jasandy intellekt jäne kölık-logistika baǧyttarynda bırlesken jobalardy jüzege asyruǧa mol mümkındık bar ekenın aitty.
Memleket basşysy Qazaqstanǧa auqymdy biznes-delegasiiamen kelgenı üşın Djon Lige alǧys bıldırıp, būl Gonkong ıskerlık qauymdastyǧynyŋ Qazaqstanmen yntymaqtastyqty keŋeituge qyzyǧuşylyǧy joǧary ekenın körsetetının jetkızdı.
Öz kezegınde Djon Li jyly qabyldau üşın rizaşylyǧyn bıldırıp, Gonkongtyŋ Qazaqstanmen özara tiımdı yntymaqtastyqty odan ärı tereŋdetuge daiyn ekenın mälımdedı.
Onyŋ aituynşa, sapar qūramyndaǧy delegasiia şetelge şyqqan eŋ ırı delegasiialardyŋ bırı bolyp otyr. Qūramyna logistika, jasyl energetika, tau-ken önerkäsıbı, innovasiia, tehnologiia jäne bılım beru salalarynda jūmys ısteitın 75 resmi tūlǧa men käsıpker engen.
