Qaraǧandy qalasynda Threads-ke jazba jariialaimyn dep basy dauǧa qalǧan Alika Mūhamadieva ısı boiynşa sot prosesı bastaldy, dep habarlaidy "Adyrna" ūlttyq portaly.
Tergeu deregınşe, aiyptaluşy öz kınäsın tolyq moiyndaǧan.
Qorǧauşylarynyŋ aituynşa, Mūhamadievanyŋ ekı jasar balasy bar. Osyǧan bailanysty olar sottan jaza türın jeŋıldetudı sūraǧan. Alaida, jeŋıldetılgen jaǧdaida da aiyptaluşy 4,5 jylǧa deiın bas bostandyǧynan aiyryluy mümkın. Soŋǧy şeşımdı sot şyǧarady.
Qazır taraptar aiyppūl töleu arqyly jazany almastyru nūsqasyn qarastyruda. Bıraq būl jaǧdaida tölenetın soma az emes — 12 million teŋge.
Qoǧamda ülken rezonans tudyrǧan ıstıŋ kelesı sot otyrysy 18 qazan künı ötedı.
Eske salaiyq, 2025 jyldyŋ jazynda Alika Mūhamadieva Threads äleumettık jelısındegı jazbalary arqyly qazaqstandyqtardyŋ aşu-yzasyn tudyrǧan. Keiın oǧan qatysty tergeu bastalyp, şılde aiynda ol qamauǧa alynǧan bolatyn.
Aiyptaluşy būǧan deiın öz sözderınıŋ konteksten jūlynyp alynǧanyn aityp, keşırım sūraǧan. Ol eşkımnıŋ sezımıne tiiu nietı bolmaǧanyn mälımdegen.
Qazan aiynda tergeu aiaqtalyp, ıs sotqa joldandy.
