2025 jyldyń 11 qańtarynda Qazaqstan ǵylymynyń iri tulǵasy, fılologııa ǵylymdarynyń doktory, professor, abaıtanýshy jáne baýyrjantanýshy ǵalym Mekemtas Myrzahmetuly dúnıeden ótti, dep habarlaıdy "Adyrna" ulttyq portaly.
1930 jyly 9 mamyrda Túrkistan oblysy, Túlkibas aýdany, Maıtóbe aýylynda dúnıege kelgen. Mekemtas Myrzahmetuly 95 jasyna qaraǵan shaǵynda ómirden ótti.
Ǵalymnyń ǵylymǵa degen qushtarlyǵy men tabandylyǵy ony qazaq ádebıeti men mádenıetiniń tereń zertteýshisi etti. 1953 jyly Abaı atyndaǵy Qazaq pedagogıkalyq ınstıtýtynyń fılologııa fakýltetin bitirgen. Keıin aspırantýraǵa túsip, bul jolda Baýyrjan Momyshulynyń qoldaýy onyń ómirindegi mańyzdy kezeń boldy.
Ǵalym ómir boıy Abaı Qunanbaıulynyń shyǵarmashylyǵyn zertteýge den qoıyp, "Tolyq adam" ilimine tereń taldaý jasady. Abaıdyń "Tolyq adam" konepııasynyń negizin asha otyryp, bul ilimdi jastardyń rýhanı damýynyń irgetasy retinde qarastyrdy.
Mekemtas Myrzahmetulynyń eńbekteriniń ishinde Abaı týraly on tomdyq iri zertteýi erekshe oryn alady. Sonymen qatar ol Iasaýı ilimi, Shákárimniń "Ar ǵylymy" sııaqty fılosofııalyq júıelerdiń damýyna qatysty qundy derekter jınaqtap, qazaq rýhanııatynyń bıigindegi tulǵaǵa aınaldy.
Mekemtas Myrzahmetuly Qazaqstannyń túrli ǵylymı-zertteý ınstıtýttarynda, ýnıversıtetterde qyzmet atqardy. 1975-1991 jyldary Qazaqstan ǵylym akademııasy Ádebıet jáne óner ınstıtýtynda Abaıtaný bóliminiń meńgerýshisi boldy. Sonymen qatar ol Qoja Ahmet Iasaýı atyndaǵy halyqaralyq qazaq-túrik ýnıversıtetiniń kafedra meńgerýshisi jáne ǵylymı ortalyqtarynyń jetekshisi qyzmetin atqarǵan.
Mekemtas Myrzahmet Túrkistan oblysy Túlkibas aýdanynda jerlenýi múmkin.
