Qytai ǧalymdary bes minut ışınde koronavirusqa qarsy antidenelerdı anyqtai alatyn jaŋa diagnostikalyq jüienı oilap tapty. Ol ikemdı organikalyq tranzistorlarǧa negızdelgen jäne alynǧan qan nemese sılekei ülgısı negızınde nätije beredı. Būl turaly Science Advances ǧylymi jurnalyndaǧy maqalada aitylǧan, dep habarlaidy "Adyrna" ūlttyq portaly.
Diagnostikalyq jüienıŋ özı qūrylymy koronavirustyŋ s aquyzyna ūqsas molekulalarmen qaptalǧan ikemdı altyn elektrodtar men organikalyq elektrohimiialyq tranzistorlardyŋ jiyntyǧy ekendıgı atap ötıldı. Olarǧa antideneler bekıtılgen kezde tranzistordyŋ jūmysy özgeredı, iaǧni ol tokty basqaşa ötkıze bastaidy eken.
Ǧalymdar testke sılekei nemese qan ülgılerı arqyly joǧary jiılıktı elektr impulstaryn ötkızetın qosymşa elektrodtar jiyntyǧyn engızdı. Osynyŋ arqasynda antideneler men koronavirustyŋ S aquyzy arasyndaǧy reaksiia jyldamdyǧy artty, būl biomaterialda salmaǧy 0,15 nanogrammnan az SARS-CoV-2-ge antidenelerdıŋ körınbeitın ızderın anyqtauǧa mümkındık berdı.
Aita ketu kerek, būl testtıŋ kömegımen kez-kelgen basqa aurulardyŋ qozdyrǧyştaryna antidenelerdı de anyqtauǧa bolatyndyǧy atap ötıldı. Ol üşın elektrodqa antideneler qosylatyn basqa aquyzdar jiyntyǧyn qoldanu jetkılıktı.
"Adyrna" ūlttyq portaly
Ūqsas jaŋalyqtar
