Qytaı ǵalymdary bes mınýt ishinde koronavırýsqa qarsy antıdenelerdi anyqtaı alatyn jańa dıagnostıkalyq júıeni oılap tapty. Ol ıkemdi organıkalyq tranzıstorlarǵa negizdelgen jáne alynǵan qan nemese silekeı úlgisi negizinde nátıje beredi. Bul týraly Science Advances ǵylymı jýrnalyndaǵy maqalada aıtylǵan, dep habarlaıdy "Adyrna" ulttyq portaly.
Dıagnostıkalyq júıeniń ózi qurylymy koronavırýstyń s aqýyzyna uqsas molekýlalarmen qaptalǵan ıkemdi altyn elektrodtar men organıkalyq elektrohımııalyq tranzıstorlardyń jıyntyǵy ekendigi atap ótildi. Olarǵa antıdeneler bekitilgen kezde tranzıstordyń jumysy ózgeredi, ıaǵnı ol tokty basqasha ótkize bastaıdy eken.
Ǵalymdar testke silekeı nemese qan úlgileri arqyly joǵary jıilikti elektr ımpýlstaryn ótkizetin qosymsha elektrodtar jıyntyǵyn engizdi. Osynyń arqasynda antıdeneler men koronavırýstyń S aqýyzy arasyndaǵy reakııa jyldamdyǵy artty, bul bıomaterıalda salmaǵy 0,15 nanogrammnan az SARS-CoV-2-ge antıdenelerdiń kórinbeıtin izderin anyqtaýǵa múmkindik berdi.
Aıta ketý kerek, bul testtiń kómegimen kez-kelgen basqa aýrýlardyń qozdyrǵyshtaryna antıdenelerdi de anyqtaýǵa bolatyndyǵy atap ótildi. Ol úshin elektrodqa antıdeneler qosylatyn basqa aqýyzdar jıyntyǵyn qoldaný jetkilikti.
"Adyrna" ulttyq portaly
