Qazaqtyń qazynasy – dombyra men kúı mádenıeti týraly syr shertetin «Qazyna» jańa telejobasyn Mádenıet jáne aqparat mınıstrliginiń tapsyrysy boıynsha «Habar» agenttigi jaryqqa shyǵardy.
Tusaýkeserge QR Parlamenti Senaty men Májilisiniń depýtattary, shyǵarmashylyq zııaly qaýym ókilderi qatysty.
Mádenıet jáne aqparat mınıstri Aıda Balaeva qazaq halqy ǵasyrlar boıy tarıh pen mádenıetti saqtap, olardy kúı arqyly jetkizgenin atap ótti.
«Ulttyq dombyra kúnimen quttyqtaǵan Memleket basshysy Qasym-Jomart Toqaev: «Dombyra úninen ulttyq tarıhtyń bastaýy men Uly dalanyń san ǵasyrlyq shejiresi estiledi. Halqymyzdyń tól mádenıeti men ónerin dombyrasyz elestetý múmkin emes. Júrekten shyqqan kúı ulttyq rýhty kóteredi" dedi. Shynynda da kúı óneri el tarıhymen birge ómir súredi. Bizdiń mindetimiz – qasıetti ónerimizdi nasıhattaý jáne bolashaq urpaqqa amanat etý", - dep atap ótti Aıda Balaeva.
"Qazyna" telejobasy dombyrany nasıhattaýǵa, esimi mýzyka tarıhyna altyn árippen jazylǵan kúıshilerdiń murasyn qazaqstandyqtardyń sanasynda jańǵyrtýǵa baǵyttalǵan.
Derekti fılmde 7 mekteptiń tarıhy, oqıǵalary men erekshelikteri týraly baıandaıdy.
Aıta keteıik, sońǵy jyldary kúı ónerin zertteýshi ǵalymdar mektepter sanyn 7-den 12-ge deıin arttyrdy.
Jobaǵa ónertaný, mýzykataný, etnografııa jáne tarıh ǵylymdarynyń mamandary qatysady.
