قازاقتىڭ قازىناسى – دومبىرا مەن كۇي مادەنيەتى تۋرالى سىر شەرتەتىن «قازىنا» جاڭا تەلەجوباسىن مادەنيەت جانە اقپارات مينيسترلىگىنىڭ تاپسىرىسى بويىنشا «حابار» اگەنتتىگى جارىققا شىعاردى.
تۇساۋكەسەرگە قر پارلامەنتى سەناتى مەن ءماجىلىسىنىڭ دەپۋتاتتارى، شىعارماشىلىق زيالى قاۋىم وكىلدەرى قاتىستى.
مادەنيەت جانە اقپارات ءمينيسترى ايدا بالاەۆا قازاق حالقى عاسىرلار بويى تاريح پەن مادەنيەتتى ساقتاپ، ولاردى كۇي ارقىلى جەتكىزگەنىن اتاپ ءوتتى.
«ۇلتتىق دومبىرا كۇنىمەن قۇتتىقتاعان مەملەكەت باسشىسى قاسىم-جومارت توقاەۆ: «دومبىرا ۇنىنەن ۇلتتىق تاريحتىڭ باستاۋى مەن ۇلى دالانىڭ سان عاسىرلىق شەجىرەسى ەستىلەدى. حالقىمىزدىڭ ءتول مادەنيەتى مەن ونەرىن دومبىراسىز ەلەستەتۋ مۇمكىن ەمەس. جۇرەكتەن شىققان كۇي ۇلتتىق رۋحتى كوتەرەدى" دەدى. شىنىندا دا كۇي ونەرى ەل تاريحىمەن بىرگە ءومىر سۇرەدى. بىزدىڭ مىندەتىمىز – قاسيەتتى ونەرىمىزدى ناسيحاتتاۋ جانە بولاشاق ۇرپاققا امانات ەتۋ", - دەپ اتاپ ءوتتى ايدا بالاەۆا.
"قازىنا" تەلەجوباسى دومبىرانى ناسيحاتتاۋعا، ەسىمى مۋزىكا تاريحىنا التىن ارىپپەن جازىلعان كۇيشىلەردىڭ مۇراسىن قازاقستاندىقتاردىڭ ساناسىندا جاڭعىرتۋعا باعىتتالعان.
دەرەكتى فيلمدە 7 مەكتەپتىڭ تاريحى، وقيعالارى مەن ەرەكشەلىكتەرى تۋرالى باياندايدى.
ايتا كەتەيىك، سوڭعى جىلدارى كۇي ونەرىن زەرتتەۋشى عالىمدار مەكتەپتەر سانىن 7-دەن 12-گە دەيىن ارتتىردى.
جوباعا ونەرتانۋ، مۋزىكاتانۋ، ەتنوگرافيا جانە تاريح عىلىمدارىنىڭ ماماندارى قاتىسادى.
