Álemge tanymal qazaq ánshisi Dımash Qudaıbergenniń atasy dúnıeden ótti, dep habarlaıdy "Adyrna" ulttyq portaly.
Qazaqty kúlli álemge tanytqan Dımashtyń atasy, qadirli aqsaqalymyz Qudaıbergen aǵa dúnıeden ozdy. Alla aldynan jarylqaǵaı. Qanat Aıtbaev, Sveta Aıtbaeva, myqty bolyńyzdar, - dep jazdy jýrnalıst Baýyrjan Babajanuly.
Aıta keteıik, Dımash atasy Qudaıbergen Aıtbaevtyń qolynda ósken. Ata-ájesi Qudaıbergen Aıtbaev pen Mıýaz Nızamýtdınova osydan bes jyl buryn otasqandaryna 50 jyldyq "altyn toıyn" toılaǵan edi.
Dımashtyń ájesi, Mıýa Nızamýtdınova Dımashtyń atasyna tartqandyǵyn aıtyp, bylaı deıdi:
«Kóziniń úlkendigi, shashynyń qalyńdyǵy... Atasyna uqsaǵan tusy kóp. Atasy da jas kúninde osyndaı boldy. Maǵan da uqsaıtyn jerleri bar. Máselen, maǵan qaralyǵy tartqan», - dep jaýap berdi.
Eske sala keteıik, 2019 jyldyń jeltoqsanynda tanymal ánshi Dımashtyń atasy Qudaıbergen Aıtbaevqa «Eren eńbegi úshin» medali berildi.
"Adyrna" ulttyq portaly
