Memleket basşysy pravoslavie dın ökılderın Rojdestvomen qūttyqtady, dep habarlaidy "Adyrna" ūlttyq portaly.
Qasym-Jomart Toqaev Qazaqstandaǧy pravoslavie dın ökılderın Rojdestvo merekesımen qūttyqtap, merekenıŋ maŋyzyn aitty.
“Qūrmettı otandastar! Qazaqstannyŋ barşa pravoslavie hristiandaryn Rojdestvo merekesımen qūttyqtaimyn! Būl meiramda joǧary adamgerşılık qasietter keŋınen därıpteledı, ızgılık pen ädıldıktı ornyqtyra tüsuge basa män berıledı. Rojdestvo adamzatty jasampaz ärı meiırımdı boluǧa, jaqyndaryna qamqorlyq tanytuǧa jäne mūqtaj adamdarǧa qol ūşyn sozuǧa ündeidı, osy dınge senetın jandarǧa ümıt pen quanyş syilaidy”, – dedı Toqaev öz qūttyqtauynda.Sonymen qatar Prezident özge dınnıŋ el bırlıgın nyǧaituda eleulı orny bar ekenın atap öttı.
“Pravoslavie elımızdıŋ däiektı damuyna qajettı basty şarttyŋ bırı – jalpyūlttyq bırlıgımızdı nyǧaituǧa da yqpal etedı. Pravoslavienı ūstanatyn azamattarymyz Ädılettı Qazaqstandy qūruǧa jäne eŋbekqorlyqqa, bılımpazdyqqa, otanşyldyqqa, tılektestıkke, özara jauapkerşılıkke negızdelgen jaŋa qoǧamdyq etikany qalyptastyruǧa eleulı üles qosady dep senemın”, – dedı memleket basşysy.
Ūqsas jaŋalyqtar
