مەملەكەت باسشىسى پراۆوسلاۆيە ءدىن وكىلدەرىن روجدەستۆومەن قۇتتىقتادى، دەپ حابارلايدى "ادىرنا" ۇلتتىق پورتالى.
قاسىم-جومارت توقاەۆ قازاقستانداعى پراۆوسلاۆيە ءدىن وكىلدەرىن روجدەستۆو مەرەكەسىمەن قۇتتىقتاپ، مەرەكەنىڭ ماڭىزىن ايتتى.
“قۇرمەتتى وتانداستار! قازاقستاننىڭ بارشا پراۆوسلاۆيە حريستياندارىن روجدەستۆو مەرەكەسىمەن قۇتتىقتايمىن! بۇل مەيرامدا جوعارى ادامگەرشىلىك قاسيەتتەر كەڭىنەن دارىپتەلەدى، ىزگىلىك پەن ادىلدىكتى ورنىقتىرا تۇسۋگە باسا ءمان بەرىلەدى. روجدەستۆو ادامزاتتى جاسامپاز ءارى مەيىرىمدى بولۋعا، جاقىندارىنا قامقورلىق تانىتۋعا جانە مۇقتاج ادامدارعا قول ۇشىن سوزۋعا ۇندەيدى، وسى دىنگە سەنەتىن جاندارعا ءۇمىت پەن قۋانىش سىيلايدى”، – دەدى توقاەۆ ءوز قۇتتىقتاۋىندا.سونىمەن قاتار پرەزيدەنت وزگە ءدىننىڭ ەل بىرلىگىن نىعايتۋدا ەلەۋلى ورنى بار ەكەنىن اتاپ ءوتتى.
“پراۆوسلاۆيە ەلىمىزدىڭ دايەكتى دامۋىنا قاجەتتى باستى شارتتىڭ ءبىرى – جالپىۇلتتىق بىرلىگىمىزدى نىعايتۋعا دا ىقپال ەتەدى. پراۆوسلاۆيەنى ۇستاناتىن ازاماتتارىمىز ادىلەتتى قازاقستاندى قۇرۋعا جانە ەڭبەكقورلىققا، بىلىمپازدىققا، وتانشىلدىققا، تىلەكتەستىككە، ءوزارا جاۋاپكەرشىلىككە نەگىزدەلگەن جاڭا قوعامدىق ەتيكانى قالىپتاستىرۋعا ەلەۋلى ۇلەس قوسادى دەپ سەنەمىن”، – دەدى مەملەكەت باسشىسى.
ۇقساس جاڭالىقتار
