Bügın, 17 mamyrda Qazaqstan prezidentı Qasym-Jomart Toqaevtyŋ tuǧan künı. Biyl memleket basşysy 73 jasqa tolyp otyr, dep habarlaidy "Adyrna".
Aqordanyŋ resmi saitynyŋ mälımetı boiynşa, Qasym-Jomart Toqaev 1953 jyly 17 mamyrda Almaty qalasynda düniege kelgen.
Äkesı – Kemel Toqaev (1923-1986) Ūly Otan soǧysynyŋ ardagerı, belgılı jazuşy, qazaq ädebietınıŋ detektivtı-şytyrman oqiǧaly janrynyŋ negızın qalauşy. Şeşesı – Tūrar Şabarbaeva (1931-2000) Almaty şet tılderı pedagogikalyq institutynda qyzmet etken.
Qasym-Jomart Kemelūly Toqaev 1975 jyly Mäskeu memlekettık halyqaralyq qatynastar instituyn bıtırgen. KSRO-nyŋ Qytai Halyq Respublikasyndaǧy elşılıgınde diplom aldyndaǧy taǧylymdamadan ötken. 1983-1984 jyldar aralyǧynda Beijıŋ lingvistika institutynda taǧylymdamadan öttı. 1992 jyly Resei Federasiiasy Syrtqy ıster ministrlıgınıŋ Diplomatiialyq akademiiasyn tämamdady.
Eŋbek jolyn 1975 jyly KSRO-nyŋ Syrtqy ıster ministrlıgınde bastap, Keŋes Odaǧynyŋ Singapur Respublikasyndaǧy elşılıgıne jūmysqa joldanǧan. 1979 jyly KSRO Syrtqy ıster ministrlıgınıŋ apparatyna oralady. 1984-1985 jyldar aralyǧynda KSRO Syrtqy ıster ministrlıgınde qyzmet atqaryp, keiınnen Keŋes Odaǧynyŋ Qytai Halyq Respublikasyndaǧy elşılıgıne jıberıldı. Onda 1991 jylǧa deiın ekınşı hatşy, bırınşı hatşy jäne keŋesşı lauazymdarynda qyzmet ısteidı.
1992 jyly Qazaqstan Syrtqy ıster ministrınıŋ orynbasary bolyp taǧaiyndalady. 1993 jyly Qazaqstan Syrtqy ıster ministrınıŋ bırınşı orynbasary boldy. 1994 jyly elımızdıŋ Syrtqy ıster ministrı bolyp taǧaiyndalady. 1999 jylǧy nauryzda Qazaqstan premer-ministrınıŋ orynbasary boldy. 1999 jylǧy qazanda parlamenttıŋ kelısımı boiynşa Qazaqstan prezidentınıŋ jarlyǧymen premer-ministr bolyp taǧaiyndaldy. 2002 jylǧy qaŋtarda Qazaqstan memlekettık hatşysy – syrtqy ıster ministrı boldy. 2003-2007 jyldary – Qazaqstan syrtqy ıster ministrı. Būl qyzmette jahandyq iadrolyq qaru-jaraqty taratpau üderısıne belsendı at salysty.
2007 jylǧy qaŋtarda Qazaqstan parlament senatynyŋ töraǧasy bolyp sailandy. 2008 jyly Qazaqstan parlamentınıŋ joǧary palatasynyŋ spikerı retınde EQYŪ Parlamenttık assambleiasynyŋ vise-prezidentı bolyp sailandy.
2011 jylǧy nauryzda BŪŪ Bas hatşysynyŋ orynbasary, BŪŪ-nyŋ Jenevadaǧy bölımşesınıŋ Bas direktory, sondai-aq Qarusyzdanu jönındegı konferensiiada BŪŪ Bas hatşysynyŋ jeke ökılı bolyp taǧaiyndaldy. Sonymen qatar Qarusyzdanu jönındegı konferensiianyŋ Bas hatşysy lauazymyn atqardy. TMD-nyŋ jäne Şanhai yntymaqtastyq ūiymynyŋ Syrtqy ıster ministrlerı keŋesınıŋ töraǧasy bolyp sailandy.
2013 jylǧy 16 qazanda Qazaqstan parlament senatynyŋ töraǧasy bolyp qaita sailandy.
2019 jylǧy 20 nauryzda Qazaqstan prezidentı retınde ant qabyldady.
2019 jyly 9 mausymda ötken kezekten tys prezident sailauynda 70,96 paiyz dauys jinap, Qazaqstan prezidentı bolyp sailandy. 2019 jyly 12 mausymda QR Konstitusiiasynyŋ 42-babyna säikes ant berıp, resmi türde sailanǧan prezident retınde Memleket basşysynyŋ lauazymyna kırıstı.
Qasym-Jomart Toqaev 2022 jyldyŋ 20 qaraşasynda ötken kezekten tys prezident sailauynda 81,31% dauys jinap, jeŋıske jettı. 2022 jyly 26 qaraşada Qazaqstan prezidentın saltanatty ūlyqtau räsımı öttı.
2021 jyly säuır aiynan bastap Qazaqstan halqy Assambleiasynyŋ töraǧasy. 2022 jyly qaŋtar aiynan bastap Qazaqstan Qauıpsızdık Keŋesınıŋ töraǧasy. Tötenşe jäne ökılettı elşı. Saiasi ǧylymdarynyŋ doktory. Düniejüzılık gumanitarlyq jäne jaratylystanu ǧylymdary akademiiasynyŋ tolyq müşesı. Qauıpsızdık jönındegı Miunhen konferensiiasy "Ǧūlamalar keŋesınıŋ" müşesı. Şenchjen universitetınıŋ (QHR) jäne Resei Federasiiasynyŋ Syrtqy ıster ministrlıgı Diplomatiialyq akademiiasynyŋ qūrmettı professory. Qazaqstannyŋ halyqaralyq qatynastar jönındegı keŋesınıŋ qūrmettı prezidentı. Jeneva Diplomatiia jäne halyqaralyq qatynastar mektebınıŋ qūrmettı dekany. Resei biografiialyq qoǧamynyŋ tūjyrymy boiynşa 2018 jyldyŋ "Jyl adamy" laureattarynyŋ tızımıne engen. 13 jyl boiy Qazaqstannyŋ üstel tennisı federasiiasyn basqardy.
Sondai-aq, ol halyqaralyq qatynastar mäselelerıne arnalǧan 10 kıtaptyŋ avtory.
