Memleket basshysy Qasym-Jomart Toqaev pen Reseı prezıdenti Vladımır Pýtın telefon arqyly sóılesti. Bul týraly Aqorda jazdy, dep habarlaıdy “Adyrna” ulttyq portaly.
Prezıdentter Qazaqstan men Reseıdiń kópjaqty yntymaqtastyǵy dáıekti túrde damyp kele jatqanyn atap ótip, buǵan deıin joǵary deńgeıde qol jetkizilgen ýaǵdalastyqtardyń oryndalý barysyn talqylady.
Budan bólek energetıka salasyndaǵy yqpaldastyqqa nazar aýdaryldy.
Taraptar halyqaralyq kún tártibindegi ózekti máseleler jóninde pikir almasyp, aldaǵy kezdesýlerdiń kestesin qarastyrdy.
Aıta keteıik, buǵan deıin Pýtın “aýyryp qaldy” degen qaýeset taraǵan edi.
Sondaı-aq, Taıaýda Reseı syrtqy ister mınıstri Sergeı Lavrov «Kommersant» basylymyna bergen suhbatynda jer tutastyǵy máselesi jóninde Qazaqstan basshysy Qasym-Jomart Toqaevpen kelispeıtinin málimdegen bolatyn.