Prezident Toqaev BŪŪ Bas Assambleiasynda Vladimir Zelenskiimen kezdestı, dep habarlaidy “Adyrna” ūlttyq portaly.
Būl turaly Aqorda jazdy.
BŪŪ Bas Assambleiasynyŋ 80-şı sessiiasy aiasynda ötken kezdesu barysynda memleketter basşylary ekıjaqty ekonomikalyq jäne gumanitarlyq yntymaqtastyq mäselelerın talqylady. Sondai-aq, Vladimir Zelenskii Ukrainadaǧy jaǧdaiǧa qatysty öz ūstanymyn jetkızdı.
Prezident Qasym-Jomart Toqaev qazırgı kürdelı ahualǧa bailanysty pıkır bıldırıp, qaqtyǧysty toqtatu üşın diplomatiialyq jūmystardy jalǧastyrudyŋ maŋyzdylyǧyna toqtaldy.
Kezdesuden tüsırılıp, taratylǧan videoda ekı prezidenttıŋ aǧylşyn tılınde söilep otyrǧany baiqalady.
Kezdesuden soŋ Ukraina basşysy Qazaqstan Prezidentıne alǧys aityp, jelıdegı paraqşasyna jazba jariialady.
«Qazaqstan Prezidentı Qasym-Jomart Toqaevpen kezdestım. Qazırgı negızgı mındet – senımdı qauıpsızdık kepıldıkterımen ädılettı ärı berık beibıtşılıkke qol jetkızu», – dep habarlady Zelenskii.
H paraqşasyndaǧy jazbada:
«Ukrainanyŋ egemendıgı men aumaqtyq tūtastyǧyn qoldaǧany üşın Qazaqstanǧa alǧys bıldıremın», – dep atap öttı Zelenskii.
