Biylǧy 28 qazanda 46 şahterdıŋ ömırın jalmaǧan Kostenkodaǧy apatqa 40 kün toldy, dep habarlaidy «Adyrna» tılşısı.
EŊ JOIQYN APAT
Qaraǧandy oblysyndaǧy «ArselorMittal Temırtau» kompaniiasyna qarasty Kostenko atyndaǧy şahtada 28 qazan künı saǧat 02:33-te jarylys bolǧan edı.
Apat kezınde şahtada 252 adam bolyp, olardyŋ 206-sy jer betıne şyqty. Al qalǧandaryn aman alyp qalu mümkın bolmady.
46 adamnyŋ ömırın qiǧan Kostenkodaǧy apat täuelsız Qazaqstan tarihyndaǧy öndırıste bolǧan eŋ ırı apat dep baǧalandy. Aldyn ala mälımet boiynşa, apatqa kömır oiatyn orynnan şyqqan ört sebep bolǧan.
Apat bolǧan künı Memleket basşysy Qasym-Jomart Toqaev marqūm kenşılerdıŋ tuystarymen kezdesıp, 29 qazandy jalpyūlttyq aza tūtu künı dep jariialady. Barlyq aimaqta memlekettık tuy tömen tüsırıldı. Būl täuelsız Qazaqstan tarihyndaǧy on üşınşı qaraly kün ekenı aityldy.
Qaiǧyly oqidan keiın Bas prokuratura «Tau nemese qūrylys jūmystary kezınde qauıpsızdık erejelerın būzu» (277-baptyŋ 3-bölıgı) boiynşa sotqa deiıngı tergeu amaldarynyŋ bastalǧanyn habarlady. Alaida osy ıske bailanysty ūstalǧandar turaly älı künge deiın resmi mälımdeme jasalmady.
KÖZDELGEN KÖMEK
Prezident apattyŋ män-jaiyn anyqtau, kenşılerdı qūtqaru jäne zardap şekkender men qaza tapqandardyŋ otbasylaryna şūǧyl kömek körsetu jönınde qajettı şaralar qabyldanatynyn jetkızdı.
Prezident Toqaevtyŋ tapsyrmasy boiynşa bırneşe qoldau şaralarynyŋ qarastyrylatyny aityldy:
kompaniia qarajaty esebınen otbasylarǧa baspana satyp alu;
moraldyq ziian üşın 10 jyldyq jalaqy mölşerınde bırjolǧy tölem;
asyrauynda bolǧan balalarǧa 18 jasqa tolǧanǧa deiın ai saiynǧy saqtandyru tölemı (JOO studentı bolsa, 23 jasqa deiın);
Memlekettık äleumettık saqtandyru qorynan jalaqysyna bailanysty ai saiynǧy tölem;
qamqorlyqtaǧy adamdardyŋ sanyna bailanysty asyrauşysynan aiyrylu jaǧdaiy boiynşa ai saiynǧy memlekettık järdemaqy;
jūmys beruşınıŋ qarajaty esebınen otbasylardyŋ nesielerın öteu;
jerleuge bailanysty barlyq şyǧyndardy öteu;
qaza tapqandardyŋ balalary men jūbailaryn jūmysqa ornalastyru;
23 jasqa deiıngı balalardyŋ oqu aqysyn töleu;
qaza tapqandardyŋ jūbailary men balalaryna sanatorii-kurorttyq emdeluge joldamalar beru;
üidı peşpen jylytatyn otbasylarǧa jyl saiyn kömır bölu.
Ükımetten bölek, türlı qorlar men mesenattar da qaza bolǧan kenşılerdıŋ otbasyna kömek böldı. Mäselen,«Nūrsūltan Nazarbaev qory» 6 qaraşada Kostenko şahtasynda qaza tapqandardyŋ otbasyna 50 mln teŋge bölgenın habarlady. Al 18 qaraşada tanymal änşı Dimaş Qūdaibergennıŋ kämelettık jasqa tolmaǧan balalary bar 20 otbasyǧa 20 mln teŋge audarǧany belgılı boldy.
«TARİHYMYZDAǦY EŊ NAŞAR KOMPANİIа»
Qaiǧyly oqiǧadan keiın «ArselorMittal Temırtauǧa» qarasty şahtalardy Ükımetke beru turaly şeşım qabyldanǧany aityldy.
«Men «ArselorMittal Temırtau» kompaniiasymen investisiialyq yntymaqtastyqty toqtatu jönınde tapsyrma berdım. Bız ärtürlı kompaniialardy kördık. Onyŋ ışınde jaqsysy da bar, jamany da bar. Alaida būl mekeme Ükımetpen jäne käsıporynmen yntymaqtastyq tūrǧysynan bızdıŋ tarihymyzdaǧy eŋ naşar kompaniia boldy»,– dedı Toqaev.
«KÜN SAIYN ÖLIMGE İTERMELEDI»
6 jeltoqsan künı qaza tapqan kenşılerdıŋ tuǧan-tuystary Qaraǧandydaǧy Şahterler daŋqy eskertkışıne gül qoiyp, marqūmdardy eske aldy.
«Kınälılerdıŋ jazalanǧanyn qalaimyz. Olar kün saiyn şahterlerdı ölımge itermeledı. Bas tartyp, qarsylyq körsete almaityndaryn bıldı»,—deidı qaza bolǧandardyŋ jaqyndary.
Būdan bölek saqtandyru tölemderın alu üşın marqūm şahterlerdıŋ asyrauynda bolǧandaryn däleldep, sotqa baruǧa mäjbür ekenderın atap öttı. Iаǧni, olar özderıne bölıngen aqşany alu üşın köptegen keŋselık kedergılerge tap bolǧan.
Būǧan deiın Kostenko şahtasynda qaza tapqandardyŋ tuystary uäde etılgen qarjyny ala almai otyrǧanyn jetkızgenderın jazǧan edık.
Resmi mälımet boiynşa, "ArselorMittal Temırtau" nysandarynda keiıngı 15 jylda 120-dan astam adam opat bolǧan.
Kostenko şahtasynda qaza tapqan kenşılerdıŋ tolyq tızımın sıltemeden tolyq köre alasyz.
Diana Asan «Adyrna» ūlttyq portaly
