Batys Qazaqstan oblysy Aqsaı qalasy men ózge de eldimekenderde 180-ge jýyq úıdi sý basty. Sonymen qatar 2 adam kóz jumǵan. Bul týraly bloger Esentaı Nııazbaev Instagram paraqshasynda turǵyndardyń úıge jetý úshin qaıyqpen qatynap júrgenin málimdedi, dep habarlaıdy “Adyrna” ulttyq portaly.
"Aqsaı qalasy men onyń janyndaǵy biraz aýyldy sý basty. Bizdiń batysta sý tasqyny bolyp jatyr. 180-ge jýyq úı sýdan zardap shekti, ol 180 otbasy. Qanshama adam, qanshama sábı. Jaraıdy, sý erteń ketedi. Biraq úıde dymqyl báribir qalady. Qansha adam týberkýlezben aýyrady. Biraq bizdiń batysqa jazdyń kelýine áli 2 aı bar. Qazir 2 adam sý tasqynynan qaıtys boldy. Adamdar úıine jetý úshin qaıyqpen júredi", – dedi bloger.
Sondaı-aq, ol qazaqstandyqtardy Aqsaı, Qyzyltap, Araltap, Pepel, Kentýbek jáne basqa da eldi mekenderge kómek kórsetýge shaqyrdy.