Almaty oblysynyŋ polisiiasy öŋırdegı jol qauıpsızdıgı boiynşa statistikalyq mälımettermen bölıstı dep habarlaidy «Adyrna» ūlttyq portaly Qazaqstan Respublikasynyŋ Işkı ıster ministrlıgıne sılteme jasap.
Jyldyŋ basynan berı Almaty oblysynyŋ aumaǧynda 659 jol-kölık oqiǧasy tırkelıp, 106 adam qaza tapqan jäne 937 adam jaralanǧan. Ötken jyldyŋ däl osyndai kezeŋımen salystyrǧanda JKO sany 30 paiyzǧa tömendegen.
– Qazırgı uaqytta jol qozǧalysy qauıpsızdıgın qamtamasyz etu – ışkı ıster organdarynyŋ qyzmetındegı özektı jäne basym baǧyttardyŋ bırı. Jol qozǧalysy qauıpsızdıgın qamtamasyz etuge baǧyttalǧan jedel – aldyn alu ıs-şaralaryn tūraqty negızde jürgızu joldardaǧy jaǧdaidy tūraqtandyruǧa, jol qozǧalysy erejelerın būzudy azaituǧa, al keibır jaǧdailarda olardy barynşa boldyrmauǧa mümkındık beredı, – deidı Almaty oblysy PD Jergılıktı polisiia qyzmetı basqarmasynyŋ bastyǧy Baǧdat Aşimov.
Sonymen qatar, oblys boiynşa jaiau jürgınşılerge qatysty 241 jol-kölık oqiǧasy tırkelıp, 45 adam qaza tauyp, 209 adam jaraqattanǧan. Patruldık polisiia 85 367 jol qozǧalysy erejesıne qatysty qūqyq būzuşylyqty anyqtaǧan.
– Taldauǧa sai, JKO-nyŋ negızgı sebepterı kölık qūraldary jürgızuşılerınıŋ jol qozǧalysy erejelerın öreskel būzuy bolyp tabylady. Belgılengen jyldamdyqty arttyru nätijesınde 177 JKO oryn alyp, 30 adam qaza tapqan jäne 308 adam jaraqattanǧan. 44 JKO qarsy baǧytqa şyǧu nätijesınde oryn alǧan, onda 19 adam qaza tauyp, 76 adam jaraqat alǧan, – dep tolyqtyrdy Aşimov.
Ūqsas jaŋalyqtar
