Almaty oblysynyń polıııasy óńirdegi jol qaýipsizdigi boıynsha statıstıkalyq málimettermen bólisti dep habarlaıdy «Adyrna» ulttyq portaly Qazaqstan Respýblıkasynyń Ishki ister mınıstrligine silteme jasap.
Jyldyń basynan beri Almaty oblysynyń aýmaǵynda 659 jol-kólik oqıǵasy tirkelip, 106 adam qaza tapqan jáne 937 adam jaralanǵan. Ótken jyldyń dál osyndaı kezeńimen salystyrǵanda JKO sany 30 paıyzǵa tómendegen.
– Qazirgi ýaqytta jol qozǵalysy qaýipsizdigin qamtamasyz etý – ishki ister organdarynyń qyzmetindegi ózekti jáne basym baǵyttardyń biri. Jol qozǵalysy qaýipsizdigin qamtamasyz etýge baǵyttalǵan jedel – aldyn alý is-sharalaryn turaqty negizde júrgizý joldardaǵy jaǵdaıdy turaqtandyrýǵa, jol qozǵalysy erejelerin buzýdy azaıtýǵa, al keıbir jaǵdaılarda olardy barynsha boldyrmaýǵa múmkindik beredi, – deıdi Almaty oblysy PD Jergilikti polıııa qyzmeti basqarmasynyń bastyǵy Baǵdat Ashımov.
Sonymen qatar, oblys boıynsha jaıaý júrginshilerge qatysty 241 jol-kólik oqıǵasy tirkelip, 45 adam qaza taýyp, 209 adam jaraqattanǵan. Patrýldik polıııa 85 367 jol qozǵalysy erejesine qatysty quqyq buzýshylyqty anyqtaǵan.
– Taldaýǵa saı, JKO-nyń negizgi sebepteri kólik quraldary júrgizýshileriniń jol qozǵalysy erejelerin óreskel buzýy bolyp tabylady. Belgilengen jyldamdyqty arttyrý nátıjesinde 177 JKO oryn alyp, 30 adam qaza tapqan jáne 308 adam jaraqattanǵan. 44 JKO qarsy baǵytqa shyǵý nátıjesinde oryn alǵan, onda 19 adam qaza taýyp, 76 adam jaraqat alǵan, – dep tolyqtyrdy Ashımov.
