Kostenko atyndaǧy şahtada oryn alǧan apattan qūtqaruǧa jūmyldyrylǧan tau-qūtqaruşylary jaǧdai turaly tyŋ derekpen bölıstı, dep jazady "Adyrna" portaly. Būl turaly msu.city insta-paraqşasy jariialady.
Qūtqaruşylar şahtada negızgı ört söndıru qūraldary bolmaǧandyqtan sudy ūzaq ızdegenderın aitty.
Kuägerlerdıŋ aituynşa, qūtqaru jūmystaryn üilestırudı Qaraǧandy oblysynyŋ äkımı men Tötenşe jaǧdailar ministrı qamtamasyz etuı tiıs edı. Olar öz jūmysynyŋ maŋyzdylyǧyn tüsınbei tūrǧanda, jeke qolǧa auystyrylǧan qūtqaru qyzmetınıŋ taǧaiyndalǧan basşysy qaidan ūqsyn deidı jinalǧandar.
Qūtqaruşylar basşylyq olarǧa adam retınde qaramaitynyn, bırdeŋe bolyp qalsa, eş qiyndyqsyz ornyn jabatyndaryn aitady, şahtadaǧy apatty joiu kezınde qūtqaruşylar daiyndyqsyz qūtqarudan alatyn küizelısterımen qosa, ünemı moraldyq qysymǧa ūşyraityndaryn jetkızdı.
"Qūtqaru jūmystaryna būiryq kelgen soŋ, zerrteu barysynda ört oşaǧyn anyqtadyq. Ört söndıretın negızgı qūraldar bolmady. Apatty aimaqqa barǧanymyzda su joq boldy. Jarty saǧat boiy su ızdedık. Būl bırınşı ret bolyp tūrǧan jaǧdai emes. Bükıl mäsele baqylauda bolmaǧandyqtyŋ kesırınen bolyp otyr. Eger ört şyqqan aimaqqa 2-3 saǧat keş jetkenımızde, jaǧdai müldem ülken katastrofaǧa äkep soǧar edı" dedı tau-qūtqaruşylarynyŋ bırı.
Şamamen bır jalaqyǧa jūmys ısteitın tau-ken qūtqaruşylaryna qauıptı jūmys üşın jalaqy tölenbeidı.
"AMT şahtalarynda ärdaiym köptegen apattyq būzuşylyqtar boldy, eŋ jaqsy degende 10 ört söndırgıştıŋ 2-ı jūmys ıstep tūrady, al basşylyq hattamalarda jazylǧan eskertulerdı jasyryp, tek resmi eskertuler jazudy būiyrady, öitkenı būrynǧy memlekettık tau-ken qūtqaru qyzmetı qazır jeke qolǧa berıldı. Eger menedjerde barlyq eskertuler bolsa, onda şahta olarmen kelısımşartty būzuy mümkın. Sol sebeptı şynaiy zaŋsyzdyq jasyryn qalyp jatady" deidı Grigorii esımdı qūtqaruşy.
Tau-ken qūtqaruşylary şahtada qaza tapqan marqūmdar üşın şynaiy qaiǧyra köŋıl aitty. Qūtqaruşylar qūtqaru üşın jasalmaǧan jaǧdaiǧa qatty nalityndaryn jetkızdı.
Eske sala keteiık, 2023 jyldyŋ 28 qazanynda Qaraǧandy oblysyndaǧy şahtada 46 kenşınıŋ ömırın qiǧan qaiǧyly oqiǧa qazaqstandyqtardy eseŋgıretıp tastady. Kostenko şahtasyndaǧy apat täuelsız Qazaqstan tarihyndaǧy öndırıste bolǧan eŋ ırı apat retınde ataldy.
Posmotret etu publikasiiu v Instagram
Ūqsas jaŋalyqtar
