Kostenko atyndaǵy shahtada oryn alǵan apattan qutqarýǵa jumyldyrylǵan taý-qutqarýshylary jaǵdaı týraly tyń derekpen bólisti, dep jazady "Adyrna" portaly. Bul týraly msu.city ınsta-paraqshasy jarııalady.
Qutqarýshylar shahtada negizgi órt sóndirý quraldary bolmaǵandyqtan sýdy uzaq izdegenderin aıtty.
Kýágerlerdiń aıtýynsha, qutqarý jumystaryn úılestirýdi Qaraǵandy oblysynyń ákimi men Tótenshe jaǵdaılar mınıstri qamtamasyz etýi tıis edi. Olar óz jumysynyń mańyzdylyǵyn túsinbeı turǵanda, jeke qolǵa aýystyrylǵan qutqarý qyzmetiniń taǵaıyndalǵan basshysy qaıdan uqsyn deıdi jınalǵandar.
Qutqarýshylar basshylyq olarǵa adam retinde qaramaıtynyn, birdeńe bolyp qalsa, esh qıyndyqsyz ornyn jabatyndaryn aıtady, shahtadaǵy apatty joıý kezinde qutqarýshylar daıyndyqsyz qutqarýdan alatyn kúızelisterimen qosa, únemi moraldyq qysymǵa ushyraıtyndaryn jetkizdi.
"Qutqarý jumystaryna buıryq kelgen soń, zerrteý barysynda órt oshaǵyn anyqtadyq. Órt sóndiretin negizgi quraldar bolmady. Apatty aımaqqa barǵanymyzda sý joq boldy. Jarty saǵat boıy sý izdedik. Bul birinshi ret bolyp turǵan jaǵdaı emes. Búkil másele baqylaýda bolmaǵandyqtyń kesirinen bolyp otyr. Eger órt shyqqan aımaqqa 2-3 saǵat kesh jetkenimizde, jaǵdaı múldem úlken katastrofaǵa ákep soǵar edi" dedi taý-qutqarýshylarynyń biri.
Shamamen bir jalaqyǵa jumys isteıtin taý-ken qutqarýshylaryna qaýipti jumys úshin jalaqy tólenbeıdi.
"AMT shahtalarynda árdaıym kóptegen apattyq buzýshylyqtar boldy, eń jaqsy degende 10 órt sóndirgishtiń 2-i jumys istep turady, al basshylyq hattamalarda jazylǵan eskertýlerdi jasyryp, tek resmı eskertýler jazýdy buıyrady, óıtkeni burynǵy memlekettik taý-ken qutqarý qyzmeti qazir jeke qolǵa berildi. Eger menedjerde barlyq eskertýler bolsa, onda shahta olarmen kelisimshartty buzýy múmkin. Sol sebepti shynaıy zańsyzdyq jasyryn qalyp jatady" deıdi Grıgorıı esimdi qutqarýy.
Taý-ken qutqarýshylary shahtada qaza tapqan marqumdar úshin shynaıy qaıǵyra kóńil aıtty. Qutqarýshylar qutqarý úshin jasalmaǵan jaǵdaıǵa qatty nalıtyndaryn jetkizdi.
Eske sala keteıik, 2023 jyldyń 28 qazanynda Qaraǵandy oblysyndaǵy shahtada 46 kenshiniń ómirin qıǵan qaıǵyly oqıǵa qazaqstandyqtardy eseńgiretip tastady. Kostenko shahtasyndaǵy apat táýelsiz Qazaqstan tarıhyndaǵy óndiriste bolǵan eń iri apat retinde ataldy.
Posmotret etý pýblıkaııý v Instagram
