Ferroqorytpa zaýytyndaǵy jazataıym oqıǵany tergeý Qaraǵandy oblysy basshylyǵynyń turaqty baqylaýymen júrip jatyr. Bul týraly búgin, 22 shildede jaýapty organdar apparattyq keńes kezinde jaǵdaıdy baıandady, dep habarlaıdy ”Adyrna” ulttyq portaly.
“Ózderińiz biletindeı, ferroqorytpa zaýytynda shtattan tys jaǵdaı bolyp. Ókinishke qaraı, 8 qyzmetker zardap shekti. Qazir barlyǵyna tolyq kólemde qajetti medıınalyq kómek kórsetilýde. Men zardap shekkenderdiń týystarymen jeke kezdestim, dárigerlermen de sóılestim. Medıına qyzmetkerleri qoldan kelgenniń bárin jasap jatyr”, – dedi oblys ákimi Ermaǵanbet Bólekpaev.
Densaýlyq saqtaý basqarmasynyń basshysy Bıbigúl Tólegenovanyń aıtýynsha, zardap shekken bes adamnyń jaǵdaıy óte aýyr, úsheýiniń jaǵdaıy aýyr jaǵdaıda. Shokqa qarsy barlyq keshendi terapııa júrgizilýde.
YDD Corporation ferroqorytpa zaýytynda bolǵan oqıǵa faktisi boıynsha QR QK 156-babynyń 2-bóligi boıynsha “Abaısyzda densaýlyqqa aýyr zııan keltirýge ákep soqqan eńbekti qorǵaý erejelerin buzý” babyna saı qylmystyq is qozǵaldy.
Eńbek zańnamasy sheńberinde bolǵan jaǵdaıdyń sebepteri men mán-jaılaryn tekserý úshin arnaıy komıssııa quryldy.
“Komıssııa quramyna barlyq ýákiletti memlekettik organdardyń ókilderi kirdi. Jumystar birinshi kúnnen bastalyp ketti. Ár ókil óz baǵytyn pysyqtap jatyr. Bastapqyda oqıǵa bolǵan jer tekserildi, jazataıym oqıǵanyń kýágerlerine saýalnama júrgizildi. Endi tehnıkalyq qujattamamen tanysý júrgizilýde. Biz kún saıyn jumys istep jatyrmyz”, – dedi eńbek ınspekııasy basqarmasynyń basshysy Murat Qaraqekilov.
Tergeý qorytyndysy boıynsha qorytyndy jasalady.
”Bul jumysty sizder barlyq jaýapty memlekettik organdarmen, sonyń ishinde quqyq qorǵaý organdarymen tyǵyz yntymaqtastyqta júrgizýlerińiz kerek. Túbegeıli jáne obektıvti túrde!” – dep atap ótti Ermaǵanbet Bólekpaev.
Eske sala keteıik, 20 shildede Qaraǵandydaǵy Ydd Corporation kompanııasynyń ferroqorytpa zaýytynda tótenshe jaǵdaı oryn aldy. Tańǵy 4:10 shamasynda jalynnyń shyǵýy saldarynan 8 adam zardap shekti.
Olardyń bári Maqajanov atyndaǵy kópsalaly aýrýhanaǵa jetkizildi. Densaýlyq saqtaý basqarmasynyń málimetinshe, qyzmetkerlerdiń barlyǵy kúıik jaraqatyn alǵan.
