Aqmola oblysy Jaqsy aýdany, Jaqsy aýyly ákimdigi túsiniksiz tender jarııalady, - dep habarlaıdy Adyrna ulttyq portaly satypalu saıtyna silteme jasap.
29 qarasha kúni atalǵan aýyldyń ákimdigi «Aqmola oblysy Jaqsy aýdany Jaqsy aýylynda kóshelerdi jaryqtandyrý úshin tirekterdi jalǵa berý boıynsha qyzmetter» degen tender jarııalaǵan. Tenderdiń quny 1 513 350 teńgege baǵalanǵan.
«Satyp alý páni týraly jalpy málimetter» degen ataýmen berilgen tehnıkalyq sıpattamany túsiný múmkin emes. «Satyp alý nysanasy Aqmola oblysy Jaqsy kentiniń kóshelerin jaryqtandyrý qurylǵylary ornatylǵan Jaqsy aýylynyń kóshelerin jaryqtandyrý baǵandaryn jalǵa berý qyzmetteri bolyp tabylady» degen jarymjan sóılemnen ákimdik aýyl kóshelerin jaryqtandyrý úshin ornatylatyn baǵandardy jalǵa alǵaly otyrǵanyn ańǵarýǵa bolady.
Sondaı-aq, tehnıkalyq sıpattamadan jalǵa alǵan baǵandardyń sany – 531 dana bolýy kerektigin, baǵan materıaly temirbetonnan jasalýy tıis ekenin, kóshelerdi jaryqtandyrýdy qamtamasyz etý úshin baǵandarǵa áýe kabeldik jelileri men shamdardyń ilinip turatynyn, jalǵa berýshi baǵandardyń zańdy ıesi bolyp, olar qısaıǵan jaǵdaıda ýaqytyly jóndep turýy kerektigin uqtyq.
Jaldaý merzimi 2024 jylǵy qańtardan jeltoqsanǵa deıin (aı saıyn) dep kórsetilgen.
Aýyl kóshelerin jaryqtandyrýǵa eshkimniń qarsylyǵy joq. Dese de, kóshe shamdary ornatylǵan baǵandardy aı saıyn jalǵa alyp turý qanshalyqty zańdy dúnıe? Sonda memlekettik satyp alýdyń jeńimpazy 531 dana baǵanyn aı saıyn 1 513 350 teńgege jalǵa berip otyra ma? Baǵandardyń bir jyldyq jaldaý qunyna ketetin 18 160 200 teńgemen sol tirekterdi birjola satyp alýǵa bolmas pa edi? Aqmola oblysynyń shendileri 2025-26-27 jyldarǵa ár jyl saıyn qaıtadan tender jarııalap otyrmaq pa? Joq, álde olar aýyl kóshesin bir jyl ǵana jaryqtandyrýdy josparlap otyr ma?
Sizge aqmolalyqtar kóshe shamdaryna ornatylatyn baǵandardy jalǵa alý degen jańa «know how» bıznestiń jobasyn oılap tapqandaı kórinbeı me? Bul suraqtardy tıisti mekemelerge joldadyq!
Qanat Birlikuly
Adyrna ulttyq portaly
