5 sáýirde Aqmola oblysynda sý tasqynynan qara Toyota Land Cruiser kóliginiń batyp ketkeni týraly vıdeo jelige tarap, halyqtyń kóńilin alańdatty. Vıdeoda kólik Astana – Atbasar – Qostanaı jolynyń boıynda tolyq sý astynda qalyp, jol shetinde kórinip tur, dep habarlaıd "Adyrna" ulttyq portaly.
Astana – Atbasar – Qostanaı jol ýchaskesi turǵyndar arasynda «Ólim alqaby» degen atpen tanymal. Sebebi kóptegen jol apattary men qaıǵyly oqıǵalar osy jerden oryn alǵan.
Jeli qoldanýshylary joldyń qaýiptiligin atap ótip, osy joldaǵy qaıǵyly oqıǵalardyń kóptigin jazyp jatyr.
«Bul oryn qatelikterdi keshirmeıdi — qysta kólikter qar qursaýynda qalady, kóktemde sý alyp ketedi», «bul jer qanshama adamnyń ómirin qıǵan...», - dep jazylǵan pikirlerde.
Kóliktiń ishindegilerdiń úsh adam bolǵany belgili. Polıııa men qutqarýshylar eki jolaýshyny aman alyp shyqty, alaıda júrgizýshi qaıtys boldy. Onyń denesi birneshe kún buryn túnde ǵana tabylǵan bolatyn.
«QazAvtoJol» málimetinshe, 5 sáýir keshkisinen bastap bul ýchaskede sý tasqyny saldarynan qozǵalys toqtatylǵan.
