Emhana qūrylysy Memleket basşysynyŋ 2024 jylǧy tamyz aiynda Qosşy qalasyna jasaǧan jūmys sapary barysynda bastau alǧan bolatyn. Densaulyq saqtau mekemesı bır auysymda myŋ adamdy qabyldai alady.
Emhana alǧaşqy medisinalyq-sanitarlyq, şūǧyl, josparly, mamandandyrylǧan jäne joǧary tehnologiialyq medisinalyq kömek körsetuge arnalǧan zamanaui joǧary tehnologiialyq jabdyqtarmen qamtylǧan. Medisinalyq mekeme Qosşy qalasynyŋ 100 myŋnan astam tūrǧynyna qyzmet körsetedı.
Jobanyŋ investory – «VIAMEDIS KOSSHY» JŞS, jalpy qūny şamamen 30 mlrd teŋgenı qūraidy. Joba memlekettık biudjetten qarjy bölınbei, kompaniianyŋ jeke qarajaty esebınen tolyqtai jüzege asyryldy.
Densaulyq saqtau ministrı Aqmaral Älnazarova Qosşy tūrǧyndaryn qala ömırındegı maŋyzdy oqiǧamen qūttyqtap, emhana ūjymyna sättılık tıledı.
Jyl soŋyna deiın 350 tösek-orynǧa arnalǧan stasionardyŋ qūrylysy aiaqtalady dep josparlanuda, onyŋ ışınde Qosşy qalasy men Aqmola oblysynyŋ Şortandy, Ereimentau, Egındıköl, Arşaly, Qorǧaljyn, Selinograd jäne Astrahan audandary tūrǧyndaryna arnalǧan 50 reabilitasiialyq tösek qarastyrylǧan. Jalpy emhana men stasionarda 700-den astam tūraqty jūmys orny aşylady. Sondai-aq investor medisinalyq qyzmetkerlerge arnalǧan pansionat pen tūrǧyn üi saludy josparlap otyr.
«Emhana halyqaralyq standarttarǧa sai salynǧan. Qūrylys bastalǧan sätten bastap bız reanimasiialyq jäne reabilitasiialyq bölımşelerge qajettı jabdyqtar boiynşa öz ūsynystarymyzdy berdık. Būl jobanyŋ bolaşaǧy zor», – dep pıkır bıldırdı «Eŋbek erı» ataǧynyŋ iegerı, joǧary sanatty neirohirurg-därıger, medisina ǧylymdarynyŋ doktory, Serık Aqşolaqov
Aita keteiık, soŋǧy ekı jylda Aqmola oblysynda 38 medisinalyq nysan salyndy. Būl auyldyq eldı mekenderdıŋ 75 myŋnan astam tūrǧynyna medisinalyq kömekke qoljetımdılıktı qamtamasyz ettı. Irı jobalardyŋ bırı – Bırjan sal audanynda salynǧan köpsalaly audanaralyq auruhana. Sonymen qatar Atbasar audandyq auruhanasynyŋ negızgı korpusy kürdelı jöndeuden öttı, Kökşetau qalasynda 630 tösek-orynǧa arnalǧan köpsalaly auruhananyŋ qūrylysy jürgızılude, oblystyq balalar auruhanasynyŋ alty qabatty korpusy jöndeuı jürgızılude, «Bolaşaq» oŋaltu ortalyǧynyŋ kürdelı jöndeuı aiaqtaldy.
