Bügın, 28 qaraşada QR Ūlttyq kıtaphanasynda «Abai» baspasynan jaryq körgen 35 kıtaptyŋ tūsaukeserı öttı, dep habarlaidy «Adyrna» ūlttyq portaly.
Baspa qazaq ädebietınıŋ klassik aqyn-jazuşylarynyŋ şyǧarmalarynan bıregei seriia jasaqtaǧan. Būl seriia qazaqtyŋ bas aqyny, häkım Abaidan bastalyp, Dulat Babataiūly, Şäkärım, Mäşhür Jüsıp Köpeiūly, Mūhtar Äuezov, Alaşorda qairatkerlerı, Keŋes Odaǧy zamanynyŋ äigılı qalamgerlerı, täuelsız Qazaqstannyŋ körnektı jazuşylary men belgılı jas avtorlardyŋ şyǧarmalaryn qamtidy. Tūsaukeserge Mädeniet jäne aqparat ministrı Aida Balaeva öz qūttyqtauyn joldap, ızgı nietın bıldırdı.
Sondai-aq şaraǧa ziialy qauym ökılderı, belgılı aqyn-jazuşylar qatysty. Atap aitsaq, Temırhan Medetbek, Smaǧūl Elubai, Ūlyqbek Esdäulet, G.Salyqbai, B.Bedelhan, J.Särsek jäne M.Maqataevtyŋ, Syrbai Mäulenovtyŋ, J.Äbdıraşovtyŋ, T. Moldaǧalievtyŋ, T.Dosymovtyŋ ūrpaqtary, belgılı aqyn Erlan Jünıs qonaq boldy.
Joba aiasynda qazaqtyŋ bas aqyny, aǧartuşy, qazaq jazba ädebietınıŋ, qazaq ädebi tılınıŋ negızın qalauşy, filosof, kompozitor, audarmaşy, saiasi qairatker, reformator Abai Qūnanbaiūlynyŋ artynda qalǧan ruhani mūrasy «Jürektıŋ közı aşylsa...», qazaqtyŋ äigılı äuliesı, aqyn, aǧartuşy, filosof Mäşhür Jüsıp Köpeiūlynyŋ ädebi mūrasy «Hal-ahual», ūly aqyn Şäkärım Qūdaiberdıūlynyŋ eŋbekterı «Nasihat», söz zergerı Dulat Babataiūlynyŋ şyǧarmalary «Sandyqtas» degen ataumen oqyrmanǧa ūsynylmaq.
Būdan bölek, qazaqtyŋ asa körnektı aqyny, qazaq poeziiasyna özgeşe lep äkelgen Jarasqan Äbdıraş, Temırhan Medetbek, Tynyştyqbek Äbdıkäkımūly, Svetqali Nūrjan, Tabyldy Dosymov tuyndylary da osy jinaqtardyŋ salmaǧyn arttyryp tūr. Atalmyş kıtaptar tızbegı QR Memlekettık syilyǧynyŋ iegerı Oljas Süleimenov, Mūhtar Şahanov bastaǧan buyn İsrail Saparbai, Nesıpbek Aitūly, Küläş Ahmetova, Sabyr Adai, Gülnar Salyqbai, Qalqaman Sarin, Tanagöz Tolqynqyzy, Erlan Jünıs esımdı qalamgerlerdıŋ tuyndylarymen jalǧasa beredı. Solardyŋ ışınde bügıngı künnıŋ betsellerıne ainalǧan Ūlarbek Nūrǧalymūlynyŋ «Daiaǧaşy» kıtaby men Aqberen Elgezektıŋ «Bolmaǧan balalyq şaq» tuyndysy mülde bölek dizainda, jaŋaşa formatta oqyrmanǧa ūsynylmaq.
«Adyrna» ūlttyq portaly
Ūqsas jaŋalyqtar
