Zamanbek Nurqadilov - táýelsiz Qazaqstannyń eń iri, eń bıik saıası tulǵasy. Avtorıtarly bılikpen ashyq kúres júrgizgen naǵyz jaýjúrek, jaýynger azamat. Halqy úshin qaltqysyz eńbek etken ultynyń birtýar uly.
Óziniń týǵan elin, týǵan ultyn sheksiz súıe bilgen, ári sol jolda jany qurban bolǵan súıegi asyl er.
Z.Nurqadilov týraly jazylǵan eńbekter men estelikter ol kisiniń jaǵympazdyq pen ekijúzdilikke jany qas bolǵan shynshyl, qıyndyqtan qaımyqpaıtyn, qateni betke aıta bilgen týrashyl tulǵa bolǵanyn aıǵaqtaıdy.
Almaty qalasy men Almaty oblysynyń burynǵy ákimi, burynǵy tótenshe jaǵdaılar jónindegi agenttik basshysy bolǵan marqum Zamanbek Nurqadilov osydan 18 jyl buryn, dál osy qarashanyń 12-i kúni Almatydaǵy úıinde jumbaq jaǵdaıda qaza tapty.
Resmı tergeý Nurqadilov óz-ózin atyp qaza bolǵan degen qorytyndy jasady. Biraq kópshilik sol kezdegi N.Nazarbaev bıligin synaǵan qaıratker qastandyqtyń qurbany bolǵan dep esepteıdi.
Asyl kezdik qyn túbinde jatpaıdy. Jańa Qazaqstannyń qurylǵany ras bolsa, elin súıgen erdiń jumbaq óliminiń shyndyǵy ashylýy, aıtylýy tıis. Aqıqattyń ashylý jolynda Z.Nurqadilovpen tonnyń ishki baýyndaı jaqyn aralasqan adam - sol ýaqyttaǵy oppozıııa ókili, qazirgi májilis depýtaty Ermurat Bápı turýy tıis. Bul adamdyq borysh, ar aldyndaǵy amanat.
Qazaǵymnyń mańdaıyna syımaı ketken azamat ár qazaqtyń júreginde qaısarlyqtyń sıvoly retinde máńgi saqtalmaq. Asyl erdiń esimi umytylmaıdy.
