Qazaqstan Respublikasy Parlamentı Mäjılısınıŋ deputaty Edıl Jaŋbyrşin Qaŋtar oqiǧasy, ekstremizm, deputattardyŋ jūmysy jäne sailau jaily pıkır bıldırıp, arnaiy sūhbat berdı, dep habarlaidy "Adyrna" ūlttyq portaly "Nursultan Qurman" iutub-arnasyna sılteme körsete otyryp.
QR Mäjılısınıŋ Ekologiia mäselelerı jäne tabiǧat paidalanu komitetınıŋ müşesı, deputat Erlan Jaŋbyrşin jurnalist Nūrsūltan Qūrmanǧa sūhbat berdı. Sūhbat barysynda Edıl Jaŋbyrşin deputattyq ädıs-aila, halyqtyŋ aldynda ūpai jinau jäne şynaiy halyq igılıgı üşın eŋbek etu mäselesı, "Jaŋa Qazaqstan" deputattyq tobynyŋ maqsat-mındetı, partiia jaŋǧyruy men kadrlyq mäsele, memlekettık tıl taqyrybyna qatysty keŋınen tolǧanyp, tolyqqandy äŋgıme örbıttı. Mäselen qazırgı qoǧamdaǧy deputat beinesıne qatysty keiıpker bylai deidı:
- Deputattyŋ neşe türı bar. Myqty populist boluy mümkın, bıraq şaruaǧa, ıske kelgende - olaq. Nemese būiyǧy boluy mümkın, bıraq naǧyz şaruanyŋ adamy. Kei deputattar bar, jūmysty da jasaidy, ıstegen jūmysyn da körsetedı. Būl jerdegı basty faktor - adamnyŋ ışkı daiyndyǧy, ömırlık täjıribesı, bılımı, mınezı. Deputat boluy üşın adam sol qyzmetke daiyn boluy kerek. Būl - ülken jauapkerşılık, - dedı Edıl Jaŋbyrşin.Keiınnen Edıl Jaŋbyrşin özınıŋ ömırlık täjıribesıne süiene otyryp, saiasi alaŋǧa qadam basudaǧy salqynqandylyq mäselesın qozǧady:
- Parlamentke bırden baram deitın mäsele bolmauy kerek. Parlamentke kelu üşın de bälembai jyl täjıribeden öttım. Besınşı talpynystan jetınşı şaqyrylymǧa öttım. Ekı ret Mäjılıske, ekı ret Senatqa. Onyŋ aldynda oblystyq sailau mäslihatyna tüstım... Köp jıgıtter praimerizben keldı, Men de partiialastardyŋ qoldauymen tızımge endım. Qalai bolǧanda da halyqtyŋ taŋdauyna mümkındık beruımız kerek, - dedı keiıpker.Deputat myqty memleket bolu barşamyzdyŋ mūratymyzǧa ainalu kerek ekenın de qadap aitty.
- Maqsat - Qazaqstandy baquatty, bai elge ainaldyru. Halqyna adal qyzmet etetın, halqyna bailyqty teŋ bölıp beretın ädıl qoǧam qūru. Bızdıŋ maqsatymyz naqty bolatyn bolsa, bız mädeniettı türde saiasi bäsekege tüsuımız kerek. Mädeniettı türde bır-bırımben bäsekelesuımız kerek... Halyqqa öz baǧdarlamamyzdy tüsındıruımız kerek. Jeke tūlǧaǧa emes, ol tūlǧanyŋ pozisiiasyna, partiianyŋ baǧdarlamasyna män beruımız kerek, - dep oiyn tüiındedı avtor.
"Adyrna" ūlttyq portaly
Ūqsas jaŋalyqtar
