"Maqsat - halqyna adal qyzmet etip, baılyqty teń bólip beretin ádil qoǵam qurý" - Edil Jańbyrshın

2794
Adyrna.kz Telegram

Qazaqstan Respýblıkasy Parlamenti Májilisiniń depýtaty Edil Jańbyrshın Qańtar oqıǵasy, ekstremızm, depýtattardyń jumysy jáne saılaý jaıly pikir bildirip, arnaıy suhbat berdi, dep habarlaıdy "Adyrna" ulttyq portaly "Nursultan Qurman" ıýtýb-arnasyna silteme kórsete otyryp. 

QR Májilisiniń Ekologııa máseleleri jáne tabıǵat paıdalaný komıtetiniń múshesi, depýtat Erlan Jańbyrshın jýrnalıst Nursultan Qurmanǵa suhbat berdi. Suhbat barysynda Edil Jańbyrshın depýtattyq ádis-aıla, halyqtyń aldynda upaı jınaý jáne shynaıy halyq ıgiligi úshin eńbek etý máselesi, "Jańa Qazaqstan" depýtattyq tobynyń maqsat-mindeti, partııa jańǵyrýy men kadrlyq másele, memlekettik til taqyrybyna qatysty keńinen tolǵanyp, tolyqqandy áńgime órbitti. Máselen qazirgi qoǵamdaǵy depýtat beınesine qatysty keıipker bylaı deıdi:

- Depýtattyń neshe túri bar. Myqty popýlıst bolýy múmkin, biraq sharýaǵa, iske kelgende - olaq. Nemese buıyǵy bolýy múmkin, biraq naǵyz sharýanyń adamy. Keı depýtattar bar, jumysty da jasaıdy, istegen jumysyn da kórsetedi. Bul jerdegi basty faktor - adamnyń ishki daıyndyǵy, ómirlik tájirıbesi, bilimi, minezi. Depýtat bolýy úshin adam sol qyzmetke daıyn bolýy kerek. Bul - úlken jaýapkershilik, - dedi Edil Jańbyrshın.

Keıinnen Edil Jańbyrshın óziniń ómirlik tájirıbesine súıene otyryp, saıası alańǵa qadam basýdaǵy salqynqandylyq máselesin qozǵady:

- Parlamentke birden baram deıtin másele bolmaýy kerek. Parlamentke kelý úshin de bálembaı jyl tájirıbeden óttim. Besinshi talpynystan jetinshi shaqyrylymǵa óttim. Eki ret Májiliske, eki ret Senatqa. Onyń aldynda oblystyq saılaý máslıhatyna tústim... Kóp jigitter praımerızben keldi, Men de partııalastardyń qoldaýymen tizimge endim. Qalaı bolǵanda da halyqtyń tańdaýyna múmkindik berýimiz kerek, - dedi keıipker.

Depýtat myqty memleket bolý barshamyzdyń muratymyzǵa aınalý kerek ekenin de qadap aıtty.

- Maqsat - Qazaqstandy baqýatty, baı elge aınaldyrý. Halqyna adal qyzmet etetin, halqyna baılyqty teń bólip beretin ádil qoǵam qurý. Bizdiń maqsatymyz naqty bolatyn bolsa, biz mádenıetti túrde saıası básekege túsýimiz kerek. Mádenıetti túrde bir-birimben básekelesýimiz kerek... Halyqqa óz baǵdarlamamyzdy túsindirýimiz kerek. Jeke tulǵaǵa emes, ol tulǵanyń pozıııasyna, partııanyń baǵdarlamasyna mán berýimiz kerek, - dep oıyn túıindedi avtor.

"Adyrna" ulttyq portaly 

 

 

Pikirler