Almatyda Zamanbek Nūrqadılovtıŋ 80 jyldyǧyna orai eske alu asy öttı, dep habarlaidy "Adyrna" tılşısı.
Memleket jäne qoǧam qairatkerı, saiasatker Zamanbek Nūrqadılovtıŋ tuǧanyna 80 jyl toluyna orai Almatyda as berıldı. Jiyn barysynda saiasatkerdıŋ ömır sürgen jyldaryndaǧy estelıkterı aitylyp, tuǧan auylyna eskertkış qoiylatyny da aityldy. Eske alu jiynyna Prezidenttıŋ keŋesşısı ärı Baspasöz hatşysy Berık Uäli arnaiy qatysyp, Memleket basşysy Qasym-Jomart Toqaevtyŋ jazǧan hatyn oqyp berdı."Qūrmettı qauym! Biyl belgılı memleket jäne qoǧam qairatkerı Zamanbek Nūrqadılovtıŋ tuǧanyna 80 jyl toldy. Täuelsız Qazaqstan tarihynda el müddesı üşın aianbai eŋbek etken azamattar az emes. Zamanbek Qalabaiūly – osyndai tūǧyrly tūlǧalardyŋ bırı. Ol egemendıktıŋ alǧaşqy kezeŋınde köptegen jauapty qyzmettı abyroimen atqardy. Memlekettıgımızdı nyǧaituǧa airyqşa atsalysyp, öŋırlerdı örkendetuge zor üles qosqany dausyz. Ūlt perzentterınıŋ esımın el jadynda jaŋǧyrtyp, eŋbegıne laiyqty baǧa beru – ūrpaq paryzy. Osy oraida, Zäkeŋnıŋ tuǧan jerı – Almaty oblysynyŋ Kegen audanynda oǧan eskertkış ornatu jäne Almatydaǧy tūrǧan üiınde eskertkış-taqta aşu qajet dep sanaimyn. "Tarih – tarazy" dep beker aitylmaǧan. Halqymyzdyŋ kesek tūlǧaly azamatynyŋ elge sıŋırgen eŋbegı eşqaşan ūmytylmaidy. Barşaŋyzǧa zor densaulyq, baq bereke tıleimın! Elımız aman, jūrtymyz tynyş bolsyn!", – delıngen hatta.Memleket jäne qoǧam qairatkerı Zamanbek Nūrqadılov ömırınıŋ soŋyna qarai oppozisiialyq saiasatker retınde köpşılık esınde qaldy. Ol sol kezdegı prezident Nūrsūltan Nazarbaevty ötkır synaityn. 2005 jyly öz üiınde belgısız jaǧdaida qaza tapqan onyŋ ölımınıŋ syry älı aşylǧan joq. Resmi habarlarda "öz-özın qarumen bırneşe märte atty" delındı. 15 qaŋtar - saiasatkerdıŋ tuǧan künı.
Ūqsas jaŋalyqtar
