Saiasattanudan ǧylym kandidaty, Resei-Qazaqstan baspasöz ortalyǧynyŋ sarapşysy Vitalii Mlechin Qazaqstan Prezidentı Qasym-Jomart Toqaevty «älem moiyndaǧan saiasi auyr salmaqtaǧy saiasatker» dep atady.
Būl pıkır Reseilık saiasattanuşy Andrei Vypolzovtyŋ avtorlyǧymen jariialanǧan maqalada keltırılgen.
Mlechin Toqaevty realist dep sipattap, onyŋ sözderınde pafos joq ekenın atap öttı. Ol Qazaqstan basşysynyŋ Reseimen qarym-qatynasty damytuǧa müddelı ekenın jäne öz mälımdemelerınde köpvektorly, pragmatikalyq syrtqy saiasatty ūstanatynyn körsettı.
Sarapşy Toqaevtyŋ Germaniia kanslerı Olaf Şolspen Berlindegı kezdesuınde aitqan sözın mysalǧa keltırdı:
«Qazaqstan – “AntiResei” emes. Bız Reseimen jan-jaqty yntymaqtastyqty ūstanamyz. Ekı el arasyndaǧy şekara – älemdegı eŋ ūzyn şekara».
Vladimir Putin de Astanada ötken kezdesulerdıŋ bırınde:
«Bız – odaqtastarmyz, strategiialyq serıktespız. Qarym-qatynasta tübegeilı kedergı nemese qaişylyq joq», – dep mälımdegen.
«Saiasi saraptamalyq top» jetekşısı Konstantin Kalachevtyŋ aituynşa, Qazaqstan köpvektorly saiasat ūstansa da, būl odaqtastyqtan bas tartudy bıldırmeidı:
«Resei men Qazaqstan – teŋ qūqyqty serıktester. Ekı eldıŋ özara ıs-qimyly naqty jobalar arqyly bekıp otyr. Toqaev – senımdı ärıptes», – dedı sarapşy.
Vypolzov internette Astanany Reseiden alşaqtady dep aiyptaityn materialdardyŋ jiı jariialanatynyn aitty. Alaida mūndai aiyptaular şyndyqqa säikes kelmeidı dep tüiındedı.
