Aqtöbe oblysynyŋ mädeniet, arhivter jäne qūjattama basqarmasy Ūly Otan soǧysyna qatysty degen şarany mamyr aiynda emes, jeltoqsanda atap ötuı mümkın, dep habarlaidy Adyrna ūlttyq portaly goszakup saityna sılteme jasap. Būl qai «Otan soǧysy»? Bälkım, biyl el boiynşa elenbei qalǧan «Aqtaban şūbyryndy» tragediiasynyŋ 300 jyldyǧyna qatysty şara bolar. Ol da köktemde, mamyrda bastalǧan oqiǧa edı ǧoi.
6 qaraşa künı Aqtöbe oblysynyŋ mädeniet, arhivter jäne qūjattama basqarmasy «Aqtöbe oblysynyŋ ızdestıru jasaǧynyŋ patriottyq tärbienı qalyptastyruǧa baǧyttalǧan Ūly Otan soǧysy tarihy boiynşa ıs-şaralar ötkızu» degen taqyryppen tender jariialaǧan. Atauynyŋ özı tüsınıksız häm küŋgırt şarany ötkızuge oblys biudjetınen 1 mln 339 myŋ 285 teŋge qarjy bölıngen. Tender jeŋımpazy 26 qaraşa künı anyqtalady.
ŪLY OTAN SOǦYSY HÄM «AQTABAN ŞŪBYRYNDY»
Tehnikalyq sipattamaǧa qarap, tender jeŋımpazynyŋ qandai şara jasaitynyn tüsıne almadyq. Qaraŋyz, mätındı özgertusız berıp otyrmyz.
«Jastarǧa äskeri patriottyq tärbie beru jäne tarihi-mädeni mūrany saqtau.
1 ölşemşarty: Äleuettı jetkızuşı ūsynǧan jobanyŋ tapsyrys beruşınıŋ tehnikalyq sipattamasynyŋ talaptaryna kelesı bölımderdı qosa alǧanda säikestıgı:
- Mäselenıŋ sipattamasy (zertteu, statistikalyq jäne analitikalyq aqparatty taldau jäne t.b. anyqtalǧan obektivtı derektermen negızdelgen);
- Jobanyŋ maqsattary men mındetterı;
- Jobany ıske asyru ädısterı;
- Tapsyrys beruşı qoiǧan maqsattarǧa jetu üşın ısşaralardyŋ egjei-tegjeilı jospary;
(ıs-şaralardyŋ atauy men formasy, orny men künderı körsetılgen)»
Jaŋyltpaş tırkesterdıŋ jiyntyǧy siiaqty däl osyndai bır betke juyq jazba. Onyŋ qazaqşa, ne orysşa nūsqasynan eşteŋe ūǧu mümkın emes.
Jastarǧa äskeri patriottyq tärbie beru men Ūly Otan soǧysynyŋ arasyn ne bailanystyrady?
Aqtöbe oblysy Jeltoqsan oqiǧasy qūrbandaryn eske alatyn jäne Täuelsızdık künı toilanatyn aida Jeŋıs meiramyn atap ötpek pe? Mäselenıŋ osy jaǧy kömeskı qalǧan.
Älde «Ūly Otan soǧysy» dep Joŋǧar şapqynşylyǧy, «Aqtaban şūbyryndynyŋ» 300 jyldyǧyn meŋzep otyr ma? Öitkenı 1723 jyly bastalǧan «Aqtaban şūbyryndy» tragediiasyna biyl 300 jyl tolǧan kezde, qalyŋ qazaq ony atausyz qaldyrdy.
Aqtöbe, Mūǧaljar öŋırı – sol oqiǧada özındık röl atqarǧan airyqşa aimaq.
ÄLDE JEŊIS MEREKESI JYLJYP KETKEN BE?
Bügıngı taŋda «Ūly Otan soǧysy» dep atalyp jürgen Ekınşı düniejüzılık soǧystyŋ Jeŋıs meiramy 9 mamyr künı toilanyp kele jatyr.Qazaqstan boiynşa Ekınşı düniejüzılık soǧysqa qatysty şaralar säuır aiynyŋ soŋǧy on künı jäne mamyr aiynyŋ alǧaşqy on kündıgınde ǧana atalyp ötetını barşaǧa aian.
Tıptı, osydan üş jyl būrynǧy Jeŋıstıŋ 75 jyldyq merekesınıŋ özı osy saltty būzbaǧan bolatyn. Sonyŋ bärı aiqyn bola tūryp, Aqtöbe oblysynyŋ Mädeniet basqarmasy 9 mamyrdyŋ şarasyn 9 jeltoqsanǧa (ärine, basqa kün boluy da mümkın) ötkızbekşı bolyp otyruynyŋ syry ne?
Aitpaqtaiyn, «Aqtaban şūbyryndy, alqaköl sūlama» tragediiasy da şamamen mamyr aiynda, köktemde bastalǧany aitylatyn edı. «Ūly Otan soǧysy» degen soŋ, täuelsızdık jolyndaǧy osy oqiǧa bırınşı oiǧa tüsetın zamanda jasap otyrmyz...
Joq, älde Aqtöbe oblysynyŋ Mädeniet basqarmasy Ūly Otan soǧysy atauyn betperde etıp, dūrys baǧytta jūmsalmai qalǧan qarjyny jyl aiaǧyna deiın igerıp ülgermek pe?
Būl sūraqtardy basqarma basşysyna joldadyq. Jauap berıp jatsa, ony da jariialaityn bolamyz.
Qanat Bırlıkūly
«Adyrna» ūlttyq portaly
