7 mamyrda Astanada jaŋa «Ädılet» saiasi partiiasynyŋ qūryltai sezı öttı. Partiianyŋ resmi qyzmetı bastalǧan jiynǧa Qazaqstannyŋ barlyq öŋırınen şamamen 1000 delegat qatysty.
Sezd barysynda partiianyŋ basşylyq qūramy sailanyp, partiia töraǧasy bolyp Dädebai Aibek Arqabaiūly taǧaiyndaldy.
Qūryltai sezınde söz söilegen partiia töraǧasy ūiymnyŋ negızgı baǧyty zaŋ üstemdıgı men tärtıp qaǧidattaryna negızdeletının aitty. Onyŋ sözınşe, qoǧamdaǧy ädıldık qaǧidaty kündelıktı ömırdıŋ ajyramas bölıgıne ainaluy kerek.
«Bızdıŋ partiiamyzdyŋ negızı zaŋ üstemdıgı men tärtıp qaǧidattaryna qūrylady. Halyqtyŋ zaŋ üstemdıgıne degen senımı – memlekettıŋ basty tıregı. Sondyqtan bızdıŋ mındetımız – ädıldıktı tek jariialau emes, ony qoǧamdyq mädeniettıŋ bır bölıgıne ainaldyru», – dedı Aibek Dädebai.
Partiia ökılderınıŋ aituynşa, «Ädılet» prezident Qasym-Jomart Toqaev jürgızıp otyrǧan reformalar baǧytyn qoldaidy. Ūiym öz qyzmetın zaŋ men tärtıp, tiımdı memlekettık instituttar, öŋırlerdı damytu, ädılettı ekonomika, sifrlyq memleket jäne äleumettık yntymaq baǧyttarynda jürgızudı josparlap otyr.
Sondai-aq partiia baǧdarlamasynda «Halyq ünıne qūlaq asatyn memleket» tūjyrymdamasy, ekologiialyq bastamalar men halyqaralyq jauapkerşılık mäselelerı qamtylǧan.
Aibek Dädebai partiianyŋ basty maqsaty belsendı ärı jauapty azamattardy bırıktıru ekenın atap öttı.
«Bızdıŋ niettesterımız – el damuyna üles qosuǧa daiyn azamattar. Bız aşyqtyq pen jauapkerşılık qaǧidattaryn ūstanamyz. Qoǧam aldynda esep berıp, jüielı jūmys jürgızuge niettımız», – dedı ol.
