Aqtóbe oblysynda aýyr jol apatynan eki oqýshy men muǵalim qaza tapqany aıtyldy, - dep habarlaıdy "Adyrna" ulttyq portaly.
Qaıǵyly oqıǵa Yrǵyz óńirinde 19 jeltoqsanda mektep oqýshylary men olardyń muǵalimi Olımpıadaǵa bara jatqan jolda boldy. Aqtóbe oblystyq bilim basqarmasy basshysynyń aıtýynsha, Yrǵyzda aýdan ortalyǵynda mektep pánderi boıynsha olımpıada ótýi tıis edi. Oǵan Janys bı aýylynan 10 joǵary synyp oqýshysy barmaq bolǵan. Biraq belgilengen ýaqytta polıııanyń jol silteýimen olımpıadaǵa bes oqýshy ǵana attandy.
"Qalǵan beseýi keıin jeke kólikpen polıııanyń jol kórsetýinsiz ketip qaldy. Biz egjeı-tegjeılerin anyqtap jatyrmyz. Biraq, aldyn ala málimet boıynsha, bul oqýshylardyń ata-analary aýa raıynyń qolaısyzdyǵyna baılanysty balalaryn Olımpıadaǵa jibermeı qoıǵan. Biraq olar sonda da, jolǵa shyǵyp ketken», - dedi ol Aqtóbe oblystyq bilim basqarmasynyń basshysy Sultan Jaıyq.
Belgili bolǵandaı, Janys bı kentindegi mekteptiń bes balasy men muǵalimi jeke Toyota Alphard kóligimen ketip qalǵan. Kólik júrgizýshisi Aqtóbe oblysy ákiminiń baspasóz qyzmetinen túsken málimetke qaraǵanda, marqum mektep oqýshysynyń 25 jastaǵy aǵasy bolǵan. Polıııanyń aıtýynsha, er adam kólikti qarsy kele jatqan kólikke qaraı aıdap ketken.
"Úsh kúnniń ishinde polıııa bólimine mektepten aryz tústi. Bilim berý mekemesiniń basshylyǵy balalardyń Yrǵyzdaǵy olımpıadaǵa bara jatqanyn jáne olarǵa jolserik kerek ekenin habarlady. Olardy eki kólikpen tasymaldaý kerek edi. Biraq bul týraly ótinishte Toyota Alphard kóligi kórsetilmegen. Qalǵan balalar aman-esen Yrǵyzǵa jetkizildi. Al Toyota Alphard kóliginde bolǵandar jol apatyna ushyrady.Saǵat 08:30 shamasynda Samara - Shymkent tas joly, Qurylys aýylynyń mańynda jol apaty oryn alyp, Toyota Alphard qarsy jolaqqa shyǵyp ketip, Volvo júk kóligimen soqtyǵysty», - dep túsindirdi Aqtóbe oblystyq IID bastyǵynyń birinshi orynbasary Ardana Saımaǵambetov.
Ol «Kólik quraldaryn basqaratyn adamdardyń jol qozǵalysy nemese kólik quraldaryn paıdalaný erejelerin buzýy», sondaı-aq «Balalardyń ómiri men densaýlyǵynyń qaýipsizdigin qamtamasyz etý jónindegi mindetterdi tıisinshe oryndamaý» baptary boıynsha tergeý bastalǵanyn atap ótti.
Apat saldarynan Toyota Alphard kóligindegi úsh jolaýshy: 25 jastaǵy Janys bı kentindegi mektep dırektorynyń orynbasary men eki orta mektep oqýshysy qaza tapty. Úsh oqýshy aýdandyq aýrýhanaǵa jatqyzyldy, olardyń densaýlyǵy men ómirine qaýip tónip turǵan joq, dep habarlady densaýlyq saqtaý basqarmasynan. Kólik júrgizýshisine psıhologııalyq kómek kórsetilýde», - delindi vedomstvodan.
